((&& كب كيك الزعتريه &&))

السلام عليكم







تطبيقي الاول للزعتريه اخذت المقادير من صديقتي الله يجزيها كل خير بس انا جربت وحطيت العجينه في قوالب الكب كيك

المقادير

بيضه
نصف كوب زيت
كوب حليب او كوب ماء + 3 ملاعق حليب بودره
خميره فوريه
رشة ملح
فنجان قهوه سكر
واحد ونص كوب طحين
تخلط المقادير الجافه ثم تضاف السائله وتخلط بالشوكه

ويا انج تصبينه في بايركس متوسطه الحجم
او مثل ما انا سويت تحطين الاوراق الخاصه بالكب كيك وتدهنينه وعقب تصبين فيه العجينه طبعا بعد ما تتخمر وبعدين تحطين قطع من جبن الكيري او المثلثات في كل قالب من قوالك الكب كيك وبعدين على الفرن ولما يستوي من تحت ومن فوق تطلعينه وهي حاره تدهنينه بالجبنه السائله او الكاسات ثم ترشين زعتر او حبة البركه او سمسم على راحتج

التطبيق الثاني هم بعد صديقتي عطتني المقادير بس قالت لي انه لمنال العالم

عمود ونص بسكوت اولكر مطحون
نص كوب جوز الهند المبشور
علبة حليب نستله المركز

تخلطينهم مع بعض لتتكون لج عجينه سهله التشكيل .

تكورينه وتحاولين تحطين ورق النايلون او الشفاف داخل الغطا وتحطين الكور على النايلون اللي بالغطا وتضغطين على الكور فتطلع على شكل الغطا وتسحبين النايلون فتطلع لج شكل الغطا او بأي شي تسوين حفره من داخل
تصبين داخل الكور توفي او هيرشي