كب كيك الكاكاو بروح الاوريو ~ هش و لذيذ و خفيف

سلام عليكم ورحمة الله وبركاته

ي بنااات حواء ما راح اطول عليكم صرنا فجر و الحين تذكرت انزل لكم وصفة كب كيك عملته اليوم و طلع خفييف و هش و طري عالخفيف لذيذ و الصلصة او التغطية انا اخترعتها بوقت الخبز

.
المقادير
1 و ربع كوب دقيق ابيض
كوب سكر
بيضتين
3/4 كوب حليب سائل
1/4 كوب كاكاو بودرة غير محلى
1 ملعقة طعام باكينج بودر
1/2 كوب زيت

.
الطريقة
طبعاً مثل ما متعودين نخلط الزيت و البيض بالاول و تالي نضيق الحليب و السكر و ب وعاء ثاني نكون خلطنا المقادير الجافة و نخلناهم و نضيفهم عالمقادير السائلة
.

طبعاً تسخني الفرن قبل
.

الصلصة او تغطية الكيك
ظرفين دريم ويب
5-7 ملاعق حليب مكثف محلى
3/4 علبة القشطة
2-3 ملاعق نوتيلا على حسب الرغبة
و اوريو مطحون

تخلطيهم زين عشان يتكثف و الدريم ويب راح يساعد يكون متماسك و زيني فيه الكيك لما يبرد . طبعاً الكب كيك طعمه خفيف و مو كثير حالي فاللي يحب السكر يكون مظبوط و كذا تكثر الحلاوة بالصلصة

.


و بالعافية عليكم و دعواتكم لي بالزوج الصالح التقي النقي الجميل الذي يحبني و احبه عاجلاً غير أجل < معليش الدعوة طويلة ههه
الله يسعدكم

.

استغفر الله العظيم و اتوب اليه
و حياكم الله