عملت قبل كده كيكة النسكافيه وتورتة النسكافيه وجه الدور على كب كيك النسكافيه لأني من عشاقه
المكونات:
2 كوب دقيق
ملعقة ونصف صغيرة بيكنج بودر
2 ملعقة كبيرة نسكافيه
نصف كوب حليب
نصف كوب زبدة سايحة
4 بيضات
فانيليا
كوب سكر
مكونات الكريم شانتي للتزيين:
كوب وربع كريم شانتي خام
نصف كوب سكر بودرة
نصف كوب ماء بارد
نصف كوب حليب بارد
2 ملعقة صغيرة نسكافيه
توت احمر واسود للتزيين
الطريقة:
فى اناء هنحط البيض والفانيليا والسكر
ونخفقهم ونضيفلهم الحليب والزبدة السايحة ونخفقهم
ونضيفلهم اخر حاجة الدقيق والبيكنج بودر والنسكافيه
ونخفقهم لغاية مايتجانسوا
وهنحط الخليط في ورق الكب كيك واخترت الورق ده
وندخله فرن حرارته هادية لغاية مايستوي
ونسيبه يبرد على جنب ونحضر الكريم شانتي للتزيين
هندوب معلقتين النسكافيه في نص كوباية الميه وهنحط كل المكونات مع بعض
وهنضربهم لغاية مانوصل للقوام المطلوب
واخترت شكل البلبة دي للتزيين
وهنحط الكريم شانتي في كيس التزيين
وهنعمل وردات على الكب كيك
وده شكله النهائي
وبالهنا والشفا
ابدااع الله يسلم يدينك ياارب