السلام عليكم
حبيت انزل طريقه الحلا هذا وسهل مره وطعم جنان يكفي طعم السيانبون
واسهل من طريقه ان نفرغ الكوب كيك
المقادير والطريقه:
1- كب كيك افضل نوع لوزين (ولازم تصيري مجرمه وتجيبي عود اسنان وتطعني الكوب كيك ) ثم تضعينه في صينيه
2- في الخلاط
(نص بياله ماء +نص بياله زيت+ملعقتين كبار سكر بني او ابيض + ملعقتين كبار قرفه +بيضه )
ونتركها تخلط لين تصير ثقيله واذا صارت سائله نزيد قرفه وسكر
3- ثم نضع ملعقه من الخلطه على الكوب كيك ونقوم بتطعين الكوب كيك علشان تدخل الخلطه ونصب الخلطه على الباقي لين تنتهي
4-ثم نضعها بالفرن من الاعلى لين تتماسك 10 دقائق او ربع ساعه
5- ثم نطلعها من الفرن ونزينها
عاد انا احب اخربط قمت وطعنت الكيك من تحت وجبت صحن فيه حليب نستله وحطيت الكيك علشان يتشرب النستله
ثم زينته بحليب نستله والتوفي
او بالنستله والهرشي والمكسرات لوز مبشور وعين الجمل
وانتم وابدعاتكم الحلوه بالتزين
وطريقه التوفي
اضع علبه القشطه بماء حار علشان اذا وضعت القشطه على السكر مايتكتل واكتشفت انا قبل نضع القشطه وهي بارده وهذا غلط
( وهذا سر مبدعه الحلويات هنوده)
اضع فنجالين سكر ابيض وفنجالين سكر اسمر لين يصير اشقر ثم اخرج علبه القشطه من الماء واضع القشطه علىالسكر واخلطه بسرعه والا اضع على ملعقه ملعقه قشطه ثم اضعه في علبه فاضيه ويطول يجلس بالثلاجه اسبوعين الذ من التوفي الجاهز
وهاذي صوره اقرب للتعذيب هههههههههه
