اليوم براويكم شغلي في عجينة الميرزبان بس بطريقة المارشميلو و انه اول مره اجربها و الحمد لله اضبطت معاي و لازم اقول لكم انه بتصير كارثه مؤقته في مطبخكم و بعدين براويكم الكارثه بس الشكل النهائي بيعجبكم و ان شاء الله يعجبكم شكل الكب كيك و تجربونه يله وما اطول عليكم بس ابي اجوف ردود حلوه مثلكم اوكي
هاي الاشكال ألي سويتهم بالعجينه
و هاي بعد (مو مرتب عدل بس معليه اول انجاز لي بالعجينه)
مقادير العجينه: انه سويت بدون مقايس بس لازم ما تكون العجينه وايد طريه و لينه )
سكر ناعم (لازم يكون منخول و تكون عندج كميه)
مارشميلو
سمنه
1-2م ك ماء
الوان طعام
الطريقه:
اول شي لازم تدهنين وعاء بالسمنه و تحطين فيه المارشميلو و تحطين 1او 2م ك ماء و تدخلينه المايكرويف لمدة 30 ثانيه فقط و تطلعينه و تدهنين معلقه بالسمنه و تحركين المارشميلو و ترجعينه المايكرويف بعد لمده 30 ثانيه لين يذوب كل المارشميلو مثل ألي في الصورة تحت(انه ستخدمت مارشميلو وردي و ابيض) و بعدين تدهنين سطح نظيف بالسمنه و تحطين عليه سكر ناعم و تحطين الماشميلو على السكر و تدهنين يدينج بالسمنه و تبتدين تعجنين و كل شويه تزيدين سكر ناعم انتي بتلاحظين انه العجينه بتتلصق في يدج بس عادي زيدي سكر و عجني لين ما تتماسك عندج العجينه (بس الصراحه يدي عورنتي و انه اعجن )و تقدرين تلفين العجينه بالبلاستيك الطعام و تدخلينه الثلاجه و تقديرن تستخدمينها على طول بس عقب ما تطلعينها من الثلاجه بتحسين انها يابسه دخليها المايكرويف لمده 5 ثواني عشان تصير لينه .
وهاي لون ابيض (ما عليكم من اللقلاقه ألي انتو تسمونها حوسه اهم شي النظافه و الشكل النهائي صح)
لاحد يرد بكمل
وبعدين تفردين العجينه على سطح مرشوش بالسكر (انه فردتها على ورق زبده احسن)و تقطعينالعجينه بقطاعات البسكويت و تزينين الكب كيك اي نسيت اقولكم انه اسويت كيك بيتيكرور انتي سوي طريقه الكيك ألي تحبينها و صبيها في كب كيك و انه دهنت الكب كيكبكريمة دريم ويب قبل ما زينته بالعجينه و لازم يكون الكيك بارد لين تبين تزينيه .
مثل ماقلت لكم بتصير كارثه مؤقته في مطبخكم بس معليه كل شي يهون لين يطلع شكل الكيكالنهائي حلو و يمدحونج الاهل و هذي صورة الكارثه انه اهني بعد نظفت شويه قبل ما اصور
و عقب الكارثة هاي صورة ثانيه للكب كيك
سامحوني ما صورت الخطوات اكثر لانه كانت يدي فيها سكر و ماشميلو و ما كان عندي احد يصور ولاني سويته فليل الكل في سابع نومه و انه احوس في المطبخ بروحي عاد ابي اجوف ردود حلوه صدقوني:44: تعبت لي ساعه 2 فليل و انه احوس في المطبخ و اي استفسار انه في الخدمه و يله انطر الردود الحلوه