يسعد لي ايامكم يارب
واكيد ننتظر رايكم ونقدكم
نجي الحين للمقادير والطريقه
المقادير :
علبة زبادي ~> وبعدين تقيسين بنفس علبة الزبادي
بنفس العلبة سكر
برضو بنفس العلبه زيت
3 بيضات
ملعقة كبيرة بكنج بودر
فانيليا
وبنفس العلبه مرتين دقيق ابيض
الطريقه :
اول شيء نحط البيض والسكر بالخفاق ونخفقهم زين لمدة 5 دقايق تقريبا
بعدين نضيف باقي المقادير ماعدا الدقيق ونخفقهم زين
اخر شيء نضيف الدقيق على دفعات ونخفق لحد مايتجانسون
بعدين نجيب صينية الكب كيك ونحط اوراق الكب كيك فيها
ونصب الخليط ونكون من قبل فاتحين الفرن ع درجه متوسطه
ندخل الصينيه بالفرن بالرف الاوسط
وطبعا اهم نقطه اننا مانفتح الفرن قبل ماتمر ربع ساعه او عشر دقايق بالكثير عشان لو فتحناه قبل هالوقت بيدخل هوواء بارد وبتفش ولاراح تنتفخ ~> يمديكم ع الوصف بس
الموهم وتاخذ عاد ثلث ساعه او نص ساعه بالكثير وانتبهو لها عشان ماتحترق
وكيف نعرف انها نضجت نجيب منقاش او سكين ولو طلعت السكين مافيها شيء يعني خلاص استوت
وبعدين نشغل الفرن من فوق لحد ماتتحمر شوي
ونطلعها نخليها لحد ماتبرد ونبدا نزينها بالطريقه اللي احنا حابين
الحين بوريكم الصور وكيف زيناهم وبعدين بحط لكم الاشياء اللي زينا فيهم
اخر شيء صور الزينه اللي استخدمناها
هذي صورة للزينه ككل
هذي عجينة السكر نفردها بعدين نشكلها بالشكل اللي حنا حابينه ولو بغينا نضيف لها لون عشان نغير لونها الابيض
وهذا بلاستيك نذوب شوكلاته ونحطها ع نفس البلاستيك بعدين ندخلها الفريز لحد ماتجمد وتتشكل بنفس هالشكل
للي حابين يعرفون الزينه من اي محل ( ملتقى الخبازين بالرياض )
وبكذا خلص موضوعي ان شاءالله يارب يكون عجبكم
بالنسبه
المحل بحي السليمانيه .. شارع الضباب
يكون مستشفى الملك فهد ع يمينك بنهايته تلفين يمين
تلاقينه بعد الاشاره ع اليمين عند ماما نوره
طبعا اسمه ملتقى الخبازين وبرضو اسمه الثاني بيكـــمــــــيت
وهذي اللوحه
