السلام عليكم
كيفكم ياطبخات ياسنعات ,,
المهم هذا موضوعي بسيط وهو طريقة الكب كيك وحلا السوفليه طبعآ مايجي بحجم ابداعاتكم بس حبيت اضيف لكم تجربتي فيهم ,,
الكب كيك : خليط كيك الزبادي مقاديره (علبة زبادي وملى العلبة زيت وملى العلبة سكر و4 بيض وفانيليا او شوي هيل و3 ملاعق كاكاو بودر هذي بالخلاط بعدين تضيفين له ملى علبة الزبادي دقيق ابيض وملعقة بكنج بودر )
بعدين تصبينها بقوالب الكب كيك وتخبزينها في الفرن اذا خلصت تصفينها في صينية وتبدين في تزيينها ( تجيبين 2 بيالة حليب بارد سايل و2 دريم ويب وتخلطينها بالخلاط اليدوي لحد ماتتكثف وتثقل وتحطينها في قمع التزيين وتشكلين الشكل اللي تبغين فوق الكيك )
وهذي صورها معليش يابنات ما صورتها بالخطوات لان كان مافي بالي انزلها ..
kb_kyk1
kb_kyk3
kb_kyk6
وهذي فكيتها حتى تشوفون شكلها من الداخل
kb_kyk5
وهذي طريقة السوفليه سهله ولذيذه ,,وسالفتها سالفه مره كنت جالسه اتصفح مواقع طبخ اجنبيه وطحت على طرق السوفليه وكانت الساعه 2 يالليل وتمسك معي الا بسوي زيهم واشتهيتها وانطلق للمطبخ واحوس بالمقادير اللي متوفره عندي وطلع معي هذا الشي ,,
المقادير:
ـ شوكولاتة خام 200 جرام
ـ 3 بيض
ـ نصف اصبع زبده
ـ بياله ونصف دقيق ابيض.
الطريقة:
نحط الشوكلاته في قدر ونقطع عليها ربع اصبع زبده ونذوبها في حمام ماء وبعدين نخفق البيض مرررره لحد ماتطلع معك سايله ونجيب الشوكولاته المذوبه ونخلطها مع البيض بالخفاقه لحد ماتحسونها تجانست بقوة بعدين تضيفين الدقيق وتخلطينهم وتجيبين صحون السوفليه اتدهنينها بشوي زبده تذرين عليها كاكاو بودر بعدين تصبين الخليط وتدخلينهم بالفرن وتكونين مولعه عليه من قبل حتى يحتمي وتخلينها من 5 اى 7 دقايق بالفرن وتشوفين اذا حسيتي انها متماسكه من فوق طلعيها واقلبيها في صحن التقديم ..
وهذي صور السوفليه
swflyh3
واقرب شوي
swflyh4
معليش حبيباتي التصوير يمشي الحال لانه تصوير من جوال ,,
اتمنى يعجبكم ,,ودعواتكم ياحلوين
**ام سامر** @am_samr_18
محررة برونزية
يلزم عليك تسجيل الدخول أولًا لكتابة تعليق.
bulbula
•
ما شاء الله روعه
الصفحة الأخيرة