بعد اعذب تحيه....وارق سلام ...حبيت اعرض عليكم اول موضوع لي على الاطلاق في كل المنتديات...
بصراحه انا ابدا مو من النوع اللي يحب يكتب....رغم اني احب والله افيد مثل ما استفيد...وهذي كانت نصيحه وحده من الاخوات قالت نزلي موضوع علشان ما تكونين فعلا من هالصنف اللي ياخذ ولا يعطي ..
بعد هالمقدمه الطويله
اللي مغزاها لا تشرهون لا على تنسيق الموضوع ولا خلفيات ولا خرابيط...لان يا لله اصلا كتبت ...مبتدأة وبقوووووة
موضوعي عن الكب كيك
راح نبدأ من البداية
من اعداد الكيك نفسه ...لآخر خطوة في التزيين
الكيك هنا استخدمت الكيك الجاهز الابيض مع بعض التعديلات اللي تخلي الطعم جووووناااااااان
بدل الماء اللي في طريقة التحضير على الكرتون استبدليه بلبن
نفس الكميه
وبدل الزيت ضعي سمن نباتي (الشورتنق)
واضيفي بيضه لعدد البيض المكتوب
تطلع قبل الخبز شكلها كريمي وتسعبلين عليها غصب >>
خخخخخ
حطيت اوراق الكب كيك لونها اسود والخليط الابيض جاهز وفي كاس كبير وضعت كيس نايلون العادي اللي نسميه(كيس اللحمه)هههه
ونعبيه بالخليط كامل وهذي اسهل طريقه لتوزيع العجين في الاوراق
وبعد كذا نقطع طرف الكيس فتحه صغنونه ونبدأ نعبي الاكواب
وبكذا خلصنا العدد المطلوب
وتكوني طوال هالوقت سخنتي الفرن على 180 درجه لا تعلين اكثر ماراح تضبط معك
وهنا بعد ما طلعتها من الفرن خليتها تبرد على شبك وحتى تبرد تماما ابدأ بالزينه
والحين نجي للزينه...المطلوب هو
عجينه السكر اللي معروفه ب fondant
في جاهزة وممكن تصلحينها بالبيت والنتيجه وحده
والوان هنا استخدمت الاسود والاصفر الذهبي
وقطاعه ورد ..وقالب على شكل زهرة ..
والفراده الخاصه بالعجينه وكذالك ال..gum text
وهذا له فايدتين تحطين منه شويتين على العجينه يطريها ويخليها سهله جدا في التشكيل
وايضا قليل جدا منه مع شوي ماء يصير مثل الغراء لتلصيق الزينة في بعضها
وهذا اللي تشوفونه في فنجان الشاي مع الفرشه
..
طبعا عجينة السكر لونها ابيض ناصع ناخذ جزء منها نلونه بالاسود وهذي طريقة التلوين واضحه بالصورة بعود الاسنان ناخذ شوي من اللون ونضعه على العجينة ونتم نضيف حتى نصل للون المطلوب
وهذي العجينة باللون الاسود
ونفس الشئ بالنسبة للون الاصفر...وبعد التلوين خذي اللون الاصفر الذهبي وسوي دوائر صغيرة جدا....بهذا الشكل
لا احد يرد برجاء للموضوع بقيه....
بعد كذا حطي قطعه صغيرة من العجين الابيض على القالب كامل واضغطي شوي علشان يأخذ شكل القالب..
وتطلع بهالشكل الدمييييييييل
سويت عدد منها وعدد من الورود الصغار
واخذت حبيبات اللولو الشكولاته حطيتها بالنصف طبعا بالغراء ثبتها
فرديت السكر باللون الاسود وبقطاعه دائريه حجمها مناسب للكب قطعتها وبالغراء طبقه رقيقه جدا ثبتيها على الكيك.. وبعدها ثبتي الباقي من الزينه..
وبكذا خلصنا وهذا الاخراج الاخيييير
وبكذا خلصت موضوعي اتمنى تعذروني اذا ما وصل الى مستوى اذواقكم ...لكن هذا جهد المقل....
واي استفسار انا بالخدمه
اذا اعجبك الموضوع دعوة طيبه منك تكفيني
وسبحانك اللهم وبحمدك اشهد ان لا إلى الا انت استغفرك واتوب اليك