يا أخوات أشوف بعض الأخوات هنا تطلب من زوجها بعض الأملاك مثل أن يكتب بيت بإسمها أو يعطيها مبلغ مالي أو ... من الأشياء المستقبلية
مع أني أحب أن أحسن الظن بربي وإن رزقي ما يضيع ولا أحب أنظر لبكرة أيش يصير وأتوكل على الله واللي رزقني وأنا صغيرة بيرزق عيالي
لكن عندي سؤال للأخوات اللي تطلب من زوجها أملاك باسمها بعد العقد طبعا اللي في العقد شرطها انتهينا منه
لكن سؤالي أيش يصير عالأملاك إذا توفى زوجك أو طلقك أو اختلعتي منه أنت طلبتيها من أجل مستقبل أسرتك هل بالفعل تتركينها لأبنائك ولك أو تتركيها لك وأبنائك على راتب أبوهم ، وإذا تزوجتي كيف يصير وضعها
يعني هل اللي تطلب أملاك باسمها عشان المستقبل لو مات زوجها تقول اعيش فيه أنا وعيالي أو ممكن تتزوج ! وإذا كان لضمان رزق عيالها ليه ما تخليه يكتبه لعياله مو لها
أشوف منتشر عند الحريم تطلب أملاك عقار من زوجها وممكن يكبر الموضوع فهل اللي تطلبه عشان ما تتزوج بعده وتبقى مع عيالها وإلا كيف ما فهمت !
اللي ممكن تفيديني ولو رجل طلبت منه زوجته بيت ومصرة وبينهم مشاكل وهو رافض يقول ماني ملزوم مع أنه مقتدر لأن عيالي وهي يبي ياخذون حقهم من الميراث وعيالي يمشي لهم راتبي وهي الله يستر عليها تشوف رجل تستأنف معه حياتها أنا ماني مسؤول عن تأمين مستقبلها حتى العيال ماهي ملزومة فيهم ، ولو أبكتب كتبت باسم أمي لأنها أمي حتى بعد موتي
لوحة فرح @loh_frh
محررة
يلزم عليك تسجيل الدخول أولًا لكتابة تعليق.
ماجدولين 66
•
ضمان لها بعد ماتفترق عنه ..وبعدين بالله من هذي الي بتتزوج وهي معها دستة عيال!!مالقيوا العرسان بنات مابعد دخل عليهم رجل فمبالك بهذي الي بتعرس بعد موت زوجها وهي بذمتها خمس ولا ست حتى!!وأنا أشوف من حقها هالشي
لوحة فرح
•
ضمان لها بعد ماتفترق عنه ..وبعدين بالله من هذي الي بتتزوج وهي معها دستة عيال!!مالقيوا العرسان بنات مابعد دخل عليهم رجل فمبالك بهذي الي بتعرس بعد موت زوجها وهي بذمتها خمس ولا ست حتى!!وأنا أشوف من حقها هالشيضمان لها بعد ماتفترق عنه ..وبعدين بالله من هذي الي بتتزوج وهي معها دستة عيال!!مالقيوا العرسان...
بس ممكن ما يكون معها إلا طفل طفلين ! وتتزوج خاصه إذا عندها مميزات مو شرط تتنظر لين يجيها عيال
بس السؤال شلون صار حق لها ؟؟؟ هذي هي النقطه اللي ما فهمتها
يكتب باسم عياله فهمناها بس باسمها !؟
بس السؤال شلون صار حق لها ؟؟؟ هذي هي النقطه اللي ما فهمتها
يكتب باسم عياله فهمناها بس باسمها !؟
ممكن تطلب منه يكتب لها شي عشان بعض الرجال لآصار مقتدر طق الثانيه ونسي الاولى أقلها تضمن عندها بيت او مبلغ تبدأ فيه حياتها مو تلاقي نفسها بشارع
لوحة فرح
•
لا يمكنك مشاهدة هذا التعليق لانتهاكه شروط الاستخدام.
ليش يقول هذي لكم بعد موتي هذا يلمح إنها ما تتزوج بعده !
حبيبتي بصراحه احس هالشي مهم وخاااصه بايامنا هذي قلت الرجال تلاقينه خاين او مثلا ملق مرتين الوحده تخاف علي نفسها ياخذها كم شهر يتسلي ويقطها زباله علي الأقل تضمن لها شي يسترها وينفعها للمستقبل وحتي لو هو بيت وتزوجت فيه من حقها بيتها وكيفها تتزوج تخليه لعيالها بكيفها وبعدين البيت او الفلوس لا صارت باسم العيال يقدر ابوهم ياخذهم منها ويصير الوصي عليهم ويسترجع كل شي يعني مافي فايده لازم باسمها افضل
الصفحة الأخيرة