عسل مخلوط بشقاوة @aasl_mkhlot_bshkao

عضوة جديدة

كتاب نوريات للطبخ..ممكن مساعده مين جربه..؟؟

مساء الخير..
هلا بنوتات شخباركم؟؟

طالبتكم طلبه ..

أنا أمي بمناسبه انتهاء امتحاناتي أهدتني كتاب طبخ ((نوريات للطبخ))>>تهئ تهئ خبرك تبيني أتسنع غصب..:eek:

عاد أنا بما أسمعه عن منتدى حواء وأنهم أم المساعدات والنجدات >>الهلال الأحمر ههه

عاد بسألكم وشوو سويتوو منه أطباق رئيسية ومقبلات؟؟

لأني سويت منه حلويات جنان منها ملوتن كيك خطير وشيزكيك فاكتوري..
وسلطة حلووة مررره اسمها انترناشنال سلط..

بنااااات ضروري لأن بيجوني صديقاتي وأبي أقدم لهم شئ حلوو
الكتاب صوووره خطييييرة وأكله حركتات ودلع بناتي بس أبي شئ جربتووه عشان أقدمه..

يلا أبي ردكم سرييييع لاتنسوني الله يعطيكم العافيه..

أختكم عسووله..

يلزم عليك تسجيل الدخول أولًا لكتابة تعليق.

تسجيل دخول

حجابي عفافي • 17 سنة

هلا اختي انا جربته بس توني ماطبقت منه كثير
طبقت الكباب بالطحينه يجنن لذيذ مره وبطاطس ودجز رهيب
والفطر المحشي جربت منه نوعين هذا اللي اتذكر اني جربته

وانتي ماجربتي غيراللي ذكرتيه علشان ابجرب الحاجات اللي قلتي عليها
الله يعطيك العافيه

تفاحه زرقاء • 17 سنة

الله يخلي الوالده لك
انا سويت المنتو الكذاب يجنن وعلى فكره ازيد الجبن شوي يطلع يجنن
وسندويشات البندقيه
وبيتزا المكرونه
ومصقعه غير روعه بس ماحطيت حمص
وسلامتك

فقاعة صابون • 17 سنة

زين تسوي فيك الوالده لازم تتعلمين الطبخ (( اسمع مين يتكلم )) ماتحب الطبخ بس مجبوره خخخخخخ
شوفي حبيبتي ..
أنا بعطيك المنيو الحلو من الكتاب أنا كانوا جايني بنات وسويت لهم هالقائمة ومره عجبتهم بس كانوا جايين لي عشر بنات ومع خواتي صرنا 14 بنت يعني كميه كبيره اذا كانوا ربعك أقل خذي من كل قسم طبخه أو طبختين عاد انت أخبر :
المقبلات الفطر المحشي مره لذيذ والقوالب الملكية والرومانيه حلوه بس سويهم بقوالب صغيره للتقديم ..
والسلطات ياتسوين سلطة الرانش المكسيكيه لأنها سهله موت ولذيذه أو سلطة المكرونة الملونة أو سلطة نوريات المميزة شكلها مميز ولذيذه أو السلطة المشكله بصلصة الثاونزد آيلند هذي خطيرة لا لا جنان والله الصوص طعمه يهبل ..
والأطباق الرئيسية ممكن تسوين فوتشيني ألفريدو كأنها تبع المطبخ الإيطالي بالضبط أو النودلز الصيني وتسوين لفايف الدجاج بالكريمة مصقعة غير زي ماقالت الأخت أنا حطيت الحمص فيها لذيذ أو تسوين الدجاج الصيني بالكاجو مع رز أبيض لذيذ أو شرحات لحم بالحامض حلوه مع الخبز تقدمينها..
والساندويشات اذا تحبين تضيفينها مع ان مع هالوجبات الرئيسية مايصلح تقدمين ساندويش بس انت براحتك أنا جربت ساندويشات كالفورنيا لذيذه والساندويشات الفرنسية أو ساندويشات الستيك بالكريمه لذيذه مره ..
والحلويات زي ماقلتي شيز كيك كالفورنيا لذيذ
وعندك حلى طبقات الشوكولاته حلو أو الطبقات الملونة ..

هذا عشا فاخر من نوريات واذا تبين إقتراحات ثانيه أنا حاضره أنا مجربه أغلب الكتاب كل الطبخات حلوه ومضبوطه فلاتترددين اذا عجبك شي ثاني ..

وبالعافيه مقدما على صديقاتك ..
تحياتي للسنعة عسوله ..

حفيدة حصه • 17 سنة

والله شجعتوني اشتريه ... انا ناويه اشتريه بس خفت يكون عادي وابتلش فيه
بس زين كلامك مشجع عنه

om dnoo2 • 17 سنة

اهلين حبابيبي ابي اعرف القى الكتاب بجده وين بالضبط؟وسهل زي كتاب نخبة الاطباق وموجوده فيه صور الاغراض اسئلتي كثير سامحوني بس حابه اجيب كتاب مع كتاب نخبة الاطباقوسامحوني مره ثانيه