وكل عام وانت بخير ..

تسلمين والله ياقلبي الله يوفقكم يارب..

هلا white dwarf مشكورة والله على مروركِ:26: :26:

سبق لي ان درست هذا الكتاب

لكن الآن مو موجود عندي عشان أخبركم ايش المهم فيه
آسف على التأخير
عطوني مهلة 4 أيام
وخلال 4 أيام اكتبوا كل اللي تريدونه

الله يوفقني لمساعدتكم
هذا الكتاب حلو وجيد لكن المشكه طويل ومستحيل تغطينه كله
على فكره فيه كتاب مترجم الأمثله فقط مع الشرح بالعربي للكتاب

يعطيك العافية أخ heart plus
يليت تعطينا أسم الكتاب ألي فيه الشرح بالعربي وكيف حجمه
وإذا عندك خلفية عن إختبارقبول الماجستير هل الأسئلة شاملة كل الفصول أم مركزة على الباب الأخير ألي يخص الفيزياء الحديثة
وشكرا لتعاونك

السلام عليكم ..
والله يابنات مو قصدي اني ازعجكم لكن بجد بجد انصدمت!!!
بكل انحاء العالم اللغه الانجليزية من متطلبات الماجيستير وخااااصة في الفروع العلمية..طيب خلونا من العالم .. في كل انحاء الوطن العربي الانجليزي من متطلبات القبول عندك في جامعات الأردن يطلبوا امتحان توفيل (انجليزي) ونفس الشي في جامعة القاهرة واللي هي ارقى الجامعات العربية ونفس الشي بالنسبة لباقي الجامعات سواء العربية العريقه او العاديه وطبعا في الجامعات الغربية ماله داعي اتكلم عن اهمية اللغه..

ومانقدر ننكر يابنات الواحد لما يوصل لمرحلة علمية متقدمة ماشاء الله وينوي انه يكمل الماجيستير اقل شي انه تكون لغته الانجلييزية كويسة عشان يصير نجاحكم ضعف وتتسع بؤرة نظركم للعلم مو شهادة ماجيستير والسلام ..
انا اشوف انكم تستفيدوا من الكتاب بحيث انه تطوروا لغتكم وتكون هذه فرصه انكم تتعلموها وحافز لكم ..ليش مايكون هذا الكتاب خطوة للتقدم خطوة للاقبال خطوة تشجعكم اكثر .. ولا انتو برايكم الماجيستير هي شهادة افرح فيها ولازم ادرسها واخلصها بأسرع فرصه ممكنة؟؟ مو مهم ايش ادرس مو مهم كيف ادرس مو مهم شي غير اني انجح واشيلها من طريقي!! اجل وش الفايده عزيزاتي؟؟ حاولوا تنظروا للأمور بفائدتها الفعلية وتوكلوا على الله وباذنه سبحانه سيكون حسيبكم ويوفقكم ويفتح عليكم ابواب رحمته من حيث لاتعلمون ..
اما موضوع الترجمه اعتقد انها راح تضر ماتنفع للأسف يعني هي مسألة وقتيه ودائما الترجمة تفقد قوة الشيء اسألوني اناا .. والله كثييييير من روايات الادب الانجليزية العريقة حسيتها مالها داعي بالعربي والعكس صحيح اكبر مثال على ذلك القران الكريم لكم هو جميل بلغته العربية لكن للأسف والله اني بالانجليزية غصب عني ما استسيغه ماحس بالروحانية وانا اقراه لأن قوة الشيء بأصله سواء كانت قصه قصيرة او موسوعه ضخمة او كتاب علمي كله يتبع نفس المبدأ مثل ماكتبها المؤلف لازم نفهمها عشان نحس بالاحساس اللي كان يحسه ونستفيد من ذلك ...

بالتوفيق ..
في امان الله
رنيــم

أقدر لك تجاوبك معنا لكن لم تسنح لنا الفرصة بتعلم اللغة الإنجليزية على أصولها لأن هذي لغة مو بالسهل تعلمها إحنا أخذناها كمادة من المواد الدراسية وما تفرغنا لدراستها ولا سافرنا برا مثلك عشان نتمكن منها ....
ودراستنا الجامعية كانت بالعربي لأننا تربويات يعني من كلية التربية ألي تأهل معلمات لمادة الفيزياء والعلوم وأنتي عارفة الدراسة للمرحلة الثانوية بالعربي فلو درسنا بالإنجليزي راح نشتت الطالبات كلمة إنجليزي وكلمة عربي .....
هذا من ناحية ومن ناحية ثانية إحنا مو جاهلين بأهمية اللغة الإنجليزية ونعرف إن الدراسة بتكون باللغة الإنجليزية
لكن بالنسبة لي أنا أنتظر القبول عشان أدخل دورة إنجليزي مكثفة قبل ما تبدأالدراسة ...ماكنت أعرف إنه فيه إختبار قبول وباللغة الإنجليزية ..يعني توهقنا
وبعدين أعتقد إنه من الغباء إننا ندرس الماجستير من أجل الشهادة بدون ميول علمي وأنتي عارفة الفيزياء مادة مي سهلة عند أغلب الناس فكيف ندرسها دراسات عليا بدون مانعشق علومها ....يعني هذا الكلام ممكن تقولينة للي تخصصاتهم أدبية مو علمية ....
وما أعتقد إنه فيه أحد يجهل فائدة اللغة الإنجليزية وكلنا ودنا نتعلمها لكن الظروف ما تسمح أحيانا .....فمثلا أنا متزوجة وأم لطفلين ....ماراح أتفرغ لدراستها إلا إذا كنت ظامنة إنة فيه تطبيق عملي لها عشان ما تضيع ولا كل الدراسة والتعب بيروح عالفاضي .......عشان كذا مافكرت أدخل دورة الإنجليزي إلا لما فكرت أدرس ماجستير لأن الدراسة بتحافظ على اللغة ألي تعلمتها .....
أتمنى إنك فهمتي الوضع .....وبسم الله عليك إن شاء الله ما تنصدمين مرة ثانية .......!