حبيت أطرح هالموضوع وأتمنى تكون معلوماتي والصور المرفقة جديدة عليكم .. لأن الغاية وهو تجهيز مواليد
بمظهر أجمل وأحلى وأكثر تطور ... وماشاءالله وأنا أتسوق احترت مدري وش اشتري وش أخلي للبيبي من كثر الأنواع
والحركات الغريبة والتسهيلات اللي في كل عام تطلع حاجات مبتكرة تسهل عملية الحمل والترضيع والعناية بالطفل
فـ أترككم مع الصور والمعلومات طبعاً لا توجد أسعار بس أكيد كل شي غريب سعره فيه
المنتج الأول
في البداية أكثر حاجة اعجبتني وتمنيت أحصل عليها في الحال وهي هذي الوسادة أو بالانجليزي
Comfy وفيه منها مقاسات Big و Small طبعاً الكبيرة أفضل
وخلونا نتفرج على فائدتها للطفل وللأم
تصلح لنوم الطفل عليها
مسند رائع جداً لإرضاع الطفل بدل إستخدام الوسادة بالإضافة إلى إني تفحصتها بنفسي وتكون محشوة بمادة رائعه تأخذ
شكل الجسم من غير إن تسمع بالغوص بداخلها وأعتقد إنها الفليين الصغير نفس اللي يوجد في مخدات اللعب حقت الأطفال
وتصلح أيضاً كـ مسند للنوم يساعد المرأه الحامل على النوم على جنبها الأيمن والأيسر بسهولة بدلاً من وضع الوسادة
التي تحتاج في الغالب إلى وسادتين لكي تتمكن من النوم براحة <---- مرة عاجبتني
المنتج الثاني
وهي مرضاعة للطفل .. بس مش أي مرضاعة لا لا لا
مرضاعة نفس شكل صدر الأم .. الحجم والحلمة حقت المرضاعة خطيرة .. عن نفسي أخذت وحدة
المنتج الثالث
لما تكونين في رحلة أو مكان عام .. بر .. بحر .. أي مكان .. ومحتاجة تغييرين الحفايظ ( كرمتوا) لطفلك فـ أقترح عليك
شراء .. هالمنتج .. وفووووراً
هي عبارة عن شنطة تجي مسكرة ومتكتكة للبيبي فيها عدة التنظيف والتغيير من كريمات لحفايظ
لأي نوع مطهرات ومناديل فكرة وإلا :)
.. يتبع ..
هالمنتج طبعاً الأغلى بين المجموعة كلها .. بس وش قلنا ... الغريب والغالي سعره فيه
الصورة اللي تشوفونها قدامكم عبارة عن عدوا معي :
1- ستاند أو منضدة خاصة لتغيير لبس البيبي والحفايظ حقته.
2- بانيو متكتك من أجل إستحمام البيبي.
3- على جنب يوجد رف صغنن لوضع عدة الإستحمام شامبو ولوشن وبودرة .. الخ .
4- مجموعة من الأدراج الخاصة بالبيبي وملابسة
طبعاً أنا تفرجت عليه بنفسي وتقدرين بعد مايكبر البيبي ع البانيو حقه تفصلين البانيو ويصير الدرج الأول تستخدمينه لأنه بالسابق
كان يوضع فيه الأنبوب أو الهوز الخاص بتمرير الماء للأسفل .. يعني مصرف للماء الموجود بالبانيو .. فلما نستغني عن البانيو
راح نقدر وقتها نستفيد من الدرج الأول ... هاه شرايكم ؟
المنتج الخامس
عبارة عن زبالة لا رائحة بعد اليوم (الله يكرمكم)<--- هالإسم من عندي فقط
بس خاصة جداً جداً بحفايظ البيبي .. وفيه نوعين راح أحط لكم الصورتين
الأولى:
عبارة عن مغلف للحفايظ بحيث ماتنفذ منها الرائحة لما ترمينها بالزبايل حقت البيت
الثانية:
تغلف الحفايظ وبنفس الوقت تكون زبالة تحتفظ بالحفايظ .. لحين رميها طبعاً لا رائحة بعد اليوم
المنتج السادس
هالمنتج يعقم ويطبخ ويخفق ويسخن ويدفء الطعام <--- اللي بيقول وش الفرق بين يسخن ويدفء بيزعلني ترا
هو مصمم من أجل توفير وقت الأم 100% مرونة في الإستعمال
حيث يحضر الطعام المبرد والطازج ويقوم بتعقيم زجاجات الرضاعة ويمكن إستخدامة كصندوق للحفظ جديد وواسع الإنتشار على مستوى العالم :)
المنتج السابع والأخير
مو للمواليد .. يعني للي شدوا حيلهم وصاروا كلابييييييييييز وحلوييين
أتمنى المنتجات والصور اللي عرضتها جديدة عليكم وعجبتكم
والمحل اللي تتواجد فيه هالمنتجات هو Premaman والبلد المصنع هي بلجيكا
بالنهاية دعواتكم لي ولكل حامل بإن الله يسهل ولادتنا ويهون الطلق علينا ويرزقنا بالذرية الصالحة البارة صحيحة العقل والبدن والنفس
ويفرج كربنا وكرب المسلمين يارب
.. دمتم بـ ود ..