بسم الله الرحمن الرحيم
كتبت موضوع لبنتي وخليتها تعطيه معلمتها
ادري بتقولون وش دخلنا فيك انتي وبنتك
الحين باتكلم عنا شوي وتحملوني وبتوصلون للزبده
انا اسكن في حي جديد وكبير في الرياض وللاسف مافيه الامدرسه وحده لكل مرحله والاولاد مدرسه مستأجره
والحي كبير كبير ويحتاج لعدة مدارس متفرقه في انحاء الحي ويادوب تغطي
والله يابنات ان الطالبات متكدسات وعددهم اضعاف الطاقه الاستيعابيه للمبني
المبنى مصمم لعدد600 طالبه وهوفيه فوق 1200 طالبه انا اتكلم عن الابتدائي فقط
واللي يقهر ان الحي مافيه اراضي اصلا مصممه انها تكون مدارس او انها كانت موجوده وبيعت للناس وسووها مخطط وباعوها اراضي
الحين امر في الحي واشوف بعض القصور والله ان مساحة القصر الواحد تكفي لثلاث مدارس كبيره
ليش ما يكون لاولادنا من هذي الاراضي اللي طولها كيلو في كيلو
ارجع للورقه اللي اعطيتها بنتي
كتبت فيها وسائل السلامه اللي مفروض تكون في المرسه
اولا جهاز انذار مبكر للحريق
ثانيا جهاز لكشف الدخان
ثالثا طفيات حريق وخراطيم مياه
وكتبت ان الطالبات لازم يتدربون على استخدام وسائل السلامه وكذالك المعلمات
وايضا توجيه الطالبات لعدم الفزع وعدم التدافع اثنا ء الحريق
والله يابنات من يوم حادثة جده وفيني خوف من مدارس عيالي
وسبحان الله المدارس حتى الحكوميه ما فيها مخارج طوارئ اوتكون مسكره ويصعب فتحها
وايضا الابواب الخارجيه بكبرها يسكرونها ويفتحون درفه وجده والبنات يتزاحمون في الدخول والخروج
وايضا انا متأكده ان 90في الميه من المعلمات ما يعرفون يستخدمون طفيات الحريق اويتعاملون مع الطوارئ هذا اذا كان فيه طفيات
في النهايه سامحوني على الاطاله لكن شي في قلبي وقلت ابوح لكم
استودع الله عيالنا ويارب احفظهم من كل شر
أحلى شهريه @ahl_shhryh
كبيرة محررات
يلزم عليك تسجيل الدخول أولًا لكتابة تعليق.
قطوة ضائعة
•
ياااااعمري الله يحفظ لك عيالك... ياليتك ارسلتي هااااذي الرساله لوزارة التعليم وإدارتها النائمه...
موضوعك عالعين والراس واكيد لك حق تخافبن
بس استغربت من نقطه .. ليش متضايقه ان فيه ناس اراضيهم كبيره ؟
ترى هم اشترو الاراضي سكنيه مثلهم مثلك مااشترو اراضي حكوميه !!
بس استغربت من نقطه .. ليش متضايقه ان فيه ناس اراضيهم كبيره ؟
ترى هم اشترو الاراضي سكنيه مثلهم مثلك مااشترو اراضي حكوميه !!
beauty55
•
اختى المعلمة ما بيدها شي من اللي كتبتيه وهي ضحية لاهمال وزارة التربية زيها زي بنتك وكل الطالبات والدليل اللي راحوا في مدرسة جدة نتيجة الاستهتار اللي صار سمة لوزارة التربية
الصفحة الأخيرة