كتبت هالموضوع بعد تردد شهوووووووووور

بنات كلام كثييييييير مدري كيف اجمعه لكم
يمكن بعضه ماينجمع
بعضكم يذكروني من 7سنين وبعضكم لا
اللي يعرفوني ويعرفون علاقة أهل زوجي كيف جننونا حنا حريم عيالهم وحتى يوم سكنا في بيت جنبهم مشاكلهم شبه يومي ورانا لين صرت مااروح انا وزوجة اخوهم الا بالعيد بس
الشي اللي ابي اقوله بنات انا تعبانه مرررره نفسي وعضوي غير اني كل يوم وجع ينغص علي وراسي اللي بكمل شهر صداع موتني احس بغثيان منه وكارهه نفسي وحياتي
انا مقهووووووره من اهلي ليه كذا تربينا ليه
من كنت طفله امي الله يرحمها وابوي يجلسون بغرفه وسوالف وقهوه وخواتي واخواني لحال بغرفه ثانيه وعاجبهم الوضع احس متفرقين كبرنا كذا انقهر إذا شفت الناس وصديقاتي بالمدرسه يسولفون وعمامي إذا وحده من خواتي زعلت من الثانيه على شي تااافه تجلس شهر ماتكلمها وسافهتها كنها عدوه لها والله اني كنت مااصرف مصروفي مثلهم كنت اجمعه واجيبلهم حلا واسوي سهره ابي نجتمع ياكلون ويقوم كل واحد بمكان تعبببببت
اختي تطلقت 6سنوات وتزوجت وهي كل هالسنين إذا سمعت أصواتنا سيرنا تقفل بابها علشان عيالنا مايلعبون مع ولدها
نطق الباب نبي نسولف معها واجيب قهوتي وحلاي معي اسمعها تقول لولدها اصصصص ياويلك إذا فتحت
تدرون اخواني يشوفونا من بعيد يقولون سلام ويطلعون ونجلس لحالنا
قسسسسم بقوا كذا لين كل وحده تزوجت وصاروا أسوأ من اول اذا وحده دقت عالثانيه ماترد وتجلس اسبوع بعدين ترسل هلا فيه شي ضروري
والله ابكي إذا شفت بنات عمي يتسابقون الخميس لاهلهم وسوالف وضحك وسهر وطلعات
ابكي إذا ذكرت كيف يكلمن بعض بالساعات وانا استسلمت خلاص عمري راح وانا احاول اجمعهم
انا اصلا تعرفون سالفة ولدي اللي مايتكلم توه بدأ بكم كلمه عمره 8 شعري ابيض من همه احس اني عجزت تعباااانه مره
تصدقون سويت عمليه برجلي وتعرضت لاعراض جلطه بس بسيطه ابوي مادرى ويوم درى مادق علي لاهي مع زوجته وعياله رابع شهر من وفاة امي تزوج
تصدقون ولاااااا احد من خواتي جاني يوم سويت العمليه ولا حتى 5دقايق تفشششششلت قدام زوجي
اتصلوا اثنين من خواتي قالوا كيفك الحين انتبهي الخياطه لاتنفك من الكرف وبسسسسس
انا ماعندي أهل تقريبا بالشهر تروح الوحده من خواتي وماتقول لأحد تسلم على ابوي عشر دقايق وتطلع
الخميس إذا دقيت عليهم كل وحده ماترد على جوالها علشان مايتفقون مع احد يسيرون
انا تخيلوا لااهل زوج عوضوني العايله والوناسه ولا أهل ولا اخوان ولا خوات ولا صديقات سنيييين بالبيت مااشوف احد ولا احد يسأل عني ولا حتى جوالي يدق مع تعب ولدي ووضعه مع وضعي والتعب اللي هدني والحين بدت بعد مويه بيضاء بعيوني
نفسيتي منهاره ماعاد نفسي اسوي شي
لاتقولون اطلعي مع عيالك تونسي الوضع المادي سيء طول الشهر اوعدهم أشياء بنفسهم وابكي انتظر الراتب يجي علشان زوجي يعطيني مصروفي واجيبهن لهم
لاتقولون توظفي معي بكالوريوس عربي بس طفلي وضعه سيء وأطفال اثنين صغااار وشغاله سابع المستحيلات اصلا زوجي يتسلف سلف قسط مدرسة ولدي راتبه حلو بس قروض هدت الوضع المادي كثير
لاتقولون تعرفي على جيرانك جيرااااااني كلللللهم جيران أهل زوجي وقرايبهم وكارهيني من كلام أهل زوجي عني اشوفهم بالمناسبات كيف معاملتهم ونظراتهم
نفسي اصررررخ اقول ليه شفتوني طيبه وكرهتوني بدون تفسير وقلبتوا الناس علي نفسي اصرخ بوجيه خواتي اقول مشتاقه لسوالفنا يومنا صغااااار وضحكنا بالابتدائي انا طول اليوم مع نفسي جالسه ومع ضغط عيالي بسسسسس
كل ليله اذكر خواتي بالمدرسه يومنا صغار نجمع ريالاتنا نشتري فيهم كيك وعصير نسهر بالليل وابكي نفسي اصحيهم من الغيبوبه اللي اخذتهم بهالدنيا
اختي الوحيده أكبر مني بسنه ماتزوجت فجأه جاها انفصام شخصيه وماعاد تعرفني ولا تكلمني بس تصرخ تهاوش نفسها لين تتعب وتنام
مدري ابكي على حالي أو على ولدي أو على اختي أو على وش 😭😭😭😭😭😭
متضايقه سنين صابره خلاص
صرت ادعي اقول يارب اللي بقالي نظري لاتحرمني شوفة عيالي ابي بس اسويلهم شغلهم وابقى عندهم علشان محد يتولاهم ويظلمهم
اصلا ولدي الحين الحين أهل زوجي مايسمونه الا المريض والتوحدي
تدرون يصير عندي موقف أو خبر حلووووو ماالقى احد اقوله له يفرحلي
تعبت سويت عمليات تعرضت لجلطه جتني مشكله بالعيون مخوفتني عندي أورام حميده 3 اتابعها راسي احس من قو الوجع كن عروقه بتنفجر احسه بينحلط محد درى عني واذا دروا محد يجيني
كلهم كذا مع بعض مو بس معي يفشلون اهلي رقعت ورقعت قدام زوجي لين ماعاد يفيد الترقيع
بنات انا خايفه احس اني تعبانه وتعبت من المستشفيات واحس نفسيتي مندمررره ماعاد حتى أمر قدام المرايه اتسبح واتعطر بس والشيب وصل نص شعري وانا توني صغيره
راسي مليان ذكريات الطفوله مليان 😭😭😭😭😭