بسم الله الرحمن الرحيم
كيف حالكم حوائيات
القصة ومافيها
مرة سمعت شيخ يتكلم عن اهمية الوصيه
وانك لازم تكونين كاتبتها
لان الواحد مايدري متى يموت
انا رحت كتبت وصيتي بدون ما اعلم احد
وحطيتها في علبة طقمي الالماس
لاني فكرت وين احطها
مالقيت احسن من اغلى طقم عندي
لاني اذا مت راح يدورون اهلي وزوجي المال اللي عندي لانه يعتبر ورث ولازم يوزع على الورثه
وراح يلقون الوصيه
المهم
طبعا زي ماقلت لكم ماعلمت احد
مرة من المرات كنت مخليه طقم الالماس عند امي وما اخذته لبيتي
وجاتني مناسبة مفاجئه
دقيت على امي وقلت لها يمه الله يخليك طلعي لي طقمي وجهزيه بمرك عشان البسه واروح للمناسبه
وانا ما جاء على بالي الوصيه
المهم لما مريت امي لقيتها متأثرة مرة
قلت لها وش فيك يمه
قالت الله يهديك ويخليك لعييلك وراك كاتبه وصيتك
ضيقتي صدري
لاني كنت كاتبه فيه توصيه على عيالي
وان يكون جزء من مالي وقف لي
وكلام مهم
قلت لها يا اميمتي انا كاتبه الوصيه من زمان
ولا يضيق صدرك
(((اتوقع ضاق صدرها
لاني كاتبه من ضمن الوصية
انتم تقرأون الان هذه الوصيه وانا تحت التراب
وموصيه على عيالي و و و و )))
قلت لاميمتي الله يخليها لي هي وابوي
مو معنى اني كتبت الوصية اني بموت لا
بس حاجه في نفسي وابيكم تنفذونها اذا مت
واقتنعت امي
بس بسألكم سؤال اخواتي ليش حنا نخاف من الوصيه كأننا اذا كتبناها اليوم بنموت بكرة
مرة كنت اسولف انا وزميلاتي
وقلت لهم عن اني كاتبه وصيتي
كلهم قالوا يماااااه لا ليش
توك صغيره
قلت وشو توي صغيره يعني مايكتب الوصيه الا الشياب والعجز
الموت مايعرف لاصغير ولا كبير
وانا ماشجعني اني اكتب الوصيه الا يوم جاني عيالي
ابي ما اشتتهم اذا مت
وربي الحافظ
لكن العمل بالاسباب
والله سبحانه وتعالى حبب هالامر في كتابه قال تعالى
((كُتِبَ عَلَيْكُمْ إِذَا حَضَرَ أَحَدَكُمْ الْمَوْتُ إِنْ تَرَكَ خَيْراً الْوَصِيَّةُ))
والرسول صلى الله عليه وسلم وصى بذلك
يروي عبدالله بن عمر بن الخطاب رضي الله عنهما أنه سمع النبي -صلى الله عليه وسلم- يقول: "ما حق امرئ مسلم عنده شيء يريد أن يوصي فيه يبيت ليلتين إلا ووصيته عنده"، قال ابن عمر: ما بت إلا ووصيتي عندي
فليش يا اخوتي الحبيبات ماتكون وصايانا جاهزة
وكل فترة نحدثها
وربي انه اسلم لذمتك واريح لورثتك
حتى انك تقدرين تخصصين جزء من مالك وقف لك اذا متي يعني تكتبينه في الوصيه
لان الورثه قد ينسون الوقف لك
وانت اكتبيه في الوصيه ذكريهم لانه راح يمشي اجرك حتى وانت ميته
الموضوع هذا كتبته من باب حب لاخيك ماتحبه لنفسك
كتبته اختكم
(الرزان)
من منتديات عالم حواء
اللهم توفني مسلمة والحقني بالصالحين
ووالدي وزوجي وذريتي واخواتي واخواني وذراريهم والمسلمين اجمعين
اذا اعجبك الوضوع
لاتنسين الدعاء لي
(الرزان) @alrzan_4
محررة ماسية
✿●●●●● كتبت وصيتي وحطيتها مع طقمي الالماس اللهم توفني مسلمة والحقني بالصالحين●●●●●✿
109
8K
يلزم عليك تسجيل الدخول أولًا لكتابة تعليق.
dalya119
•
زز............................................
سبحان الله قبل فتره جت في بالي ورح انفذها على خير وعمري 25سنه بنت ربي يطول عمرنا على طاعته ويحسن ختمتنا
لا ان شاء الله ربي بيطوول بعمرك يارب
بس امك يووم انها تأثرت اكيييد بتتأثـر,.
لان اكييد الووصيه بتبكي
:/
بس امك يووم انها تأثرت اكيييد بتتأثـر,.
لان اكييد الووصيه بتبكي
:/
الصفحة الأخيرة