كوبونات الراقية تسجيل الدخول

العملة النادرة

كتبت وما ابي الا الدعاء للبنت

الأسرة والمجتمع •

بسم الله الرحمن الرحيم
السلام عليكم ورحمة الله وبركاته
صباحكم فل
حبيباتي هذي وحدة يتيمة وخلوقة ومؤدبة وملتزمة وحافظه القرآن ماشاء الله تبارك الله عليها
الله يحفظها
ومن يوم هي صغيرة ومشاكل بيتهم العائلية تحيط بها من كل مكان خصوصا ان والدها الله يرحمة معدد ومع ذلك ماشاء الله ناجحة في دراستها وحياتها
وفيها رزانة عقل عجيبة والله يابنات ان اختها المتزوجة تحكي تقولي والله اني ما احب استشير غيرها في مشاكلي مع زوجي أو اهله اوفي تربية بناتي حتى اختها الكبيرة من أبوها تقول دايم مايحل مشاكلي ويساعدني غيرها حتى مشاكلي مع اخواني وتقول اختها بعد اخواني كلهم وهم رجال يستشيرونها ويقولون إنها أحكم وحدة في البيت يستشيرونها قبل أمهم وفوق هذا كله البنت ذووووق وسنعة لدرجة كل افكار الاشياء الغريبة في اللبس والاكل والتقديمات والديكورات تلقينه عندها ماشاء الله عليها و خواتهاوزوجات اخوانها ياخذون رايها في لبسهم ولبس اولاده واذا عندهم عزيمة او مناسبة واغلب قريباتها
المهم البنت لها كم سنة متخرجة وما تزوجت مابقالها على الثلاثين الا القليل
انا فكرت اذكرها لاحد الخطابات الموثوقات واخذت ارقام من احد زميلاتي لكن مع الاسف هالخطابات الله يسامحن انواع التحطيم مثلا البنت موب طويلة تقولك:يوووووووه هذي من بياخذها
والاتجيب لك واحد متزوج وعنده خمسة عيال تقول هذا الي يصلحلها ما ادري وش تقصد بالضبط:mad:
والثالثة تقول كل الي عندي يبون طواااااال مرة
قلت لوحدة ترا البنت اخلاق قالتلي :ياحليلك ما احد يبي اخلاق الكل ماهمه الا الجمال:mad: والبنت قريبتي وزميلتي مررة واذا جاها احد ماالله يكتبلها نصيب ونفسيتها زفت وتقول ان اخوانها يحسبون عمرها أصغرمن كذا كأنهم تفاجئوا يوم عرفوا عمرها
لانها بسم الله عليها نعومة تقولي والله ماكنت افكر بالزواج واناعارفه أن ما أحد راح ياخذ الا نصيبة ولا أدري وين الخيرة فيه بس إنها مقهورة من اخوانها واذا جاها واحد يدخن او ساكن مع اهله او مطلق انواع التعقيد يقولون وش فيها ليش تتشرطين
ياناس موب من حقها انها تختار صفات زوج المستقبل
وزيادة على كذا زوجات اخوانها تقول والله مايجي طاري بنت من اقاربهم الا يقولون اصغر من فلانه الي هي زميلتي مع انه بعض الاحيان مايصركلامهم صحيح بس يدقون عليها انها ماتزوجت وان الدراسة موب كل شي خصوصا انه مافيه احد من خواتها تخرجت الاوهي متزوجة
تصدقون فكرت ادق على مشروع بن باز وقد دقيت على مشروع التوفيق لانه حريم بس قالتلي الي كلمتني لازم هي تكلم
قلتلها طيب كيف يعرفون الرجال انتم تتعاملون مع خطابات والا كيف ؟
قالتلي :لا الرجال يجي ويدري انه عندنا بنات كأنها تقول ان الرجال يدري ان في بنات عارضات انفسهم والله انقهرت فكرة المشروع حلوة بس الطريقة محرجة:44:
قلت بلى هامشاريع ادق على خطابة احسن وشفتو وش سوت فيني
بعد هذا كله الي ابيه منكم تدلوني على طريقة اقدر اساعدها فيها وانكم تدعون لها ان الله يرزقها الزوج الصالح الي فيه جميع الصفات الي تتمناه عاجلا غير اجل ياحي ياقيوم وكل وحدة تتمنى الزوج الصالح ويرزقني وكل من تبي الذرية الصالحه
آآآآآآآآآآآمين
11
1K

يلزم عليك تسجيل الدخول أولًا لكتابة تعليق.

تسجيل دخول

مـــالكــ عـــذر
مـــالكــ عـــذر •
الله يرزقها الزوج الصالح وكل بنوتة يارب


بس حليها تكثر من الاستغفار والصدقة وتقرأ قرأن

ولا تيأس الله كريم واللي مكتوب لها بتاحذه

بس انتي شوفي زوجك اكيد عنده ناس ومعارفة في عملة

اشرحيله وخليه يشوف ويسعى في موضوعها

وان شاء الله ربي يطمنك عليها
ترف22
ترف22 •
يارب ياحي ياقيوم ملكها خير عبيدك هذ السنه ووفقها وأسعدها وسخر لها زوجا يخافك ويكون عزا لها لا ذلا أشدد به أزرها وأشركه في أمرها وأرزقني يارب
وكل من قالت آميـــــــــــــــــــــــــــــــــن
شووكوولاتــه عســل
شووكوولاتــه عســل •
يارب ياحي ياقيوم ملكها خير عبيدك هذ السنه ووفقها وأسعدها وسخر لها زوجا يخافك ويكون عزا لها لا ذلا أشدد به أزرها وأشركه في أمرها وأرزقني يارب
وكل من قالت آميـــــــــــــــــــــــــــ ــــــن
رفيقه القمر
رفيقه القمر •
شوفي خيتوو هي لسة صغيرة والله اعرف لك واحد ما تزواجت الا بعمر تقريبا33 وتزوجت واحد مو متزواج واخلاق وملتزم .يعني من حقها تتشرط ع كيفها .الله يرزقها الزواج الصالح انه قااادر ولايقدر عليه
نور القمــر
نور القمــر •
الدعاااء والاستغفار افضل طريقه..

صدقيني هذا رزق من الله ومايعطي الرزق الا الرزاق..

اذا ودك تساعدينها ادعي لها بأخر الليل..

وماشاااء الله ربي يخليكم لبعض اهنيك على هذي الروح..