كتمه ودوخة أثناء الكلام ..

السلام عليكم ورحمة الله وبركاته
عندي حالة غريبة كانت تصير لي قبل ٦ سنوات لكن نادرا تجيني في السنة إلا مرة وحدة ولا ترجع
لكن لاحظت هالايام بعد شفائي من مرض كورونا صارت تتكرر يوميا وهي لما اسولف مع البنات او عيالي
واكون مثلا مندمجة في الكلام احس بكتمه في صدري تمسكني وتجيني دوخه انزل راسي غصب
وبعدين تفكني واجلس وارتاح شوي وارجع لطبيعتي انا بديت اخاف واتوتر وشكلي بروح للمستشفى
لكن خايفة من نتيجة الفحوصات ومادري وش بيسالوني فيه
انا مادري هل هي حالة توتر لما اتكلم او عندي مشكلة صحية في الرئتين ماتتحمل ضغط الكلام
علما اني سليمة من ناحية الدم ماعندي فقر دم
بس عندي ارتفاع في ضغط الدم من ١٥ سنة اخذ دواء وتوني مشيكه عليه عند طبيب ومضبط الجرعات لي
تكفون الي مرت بالحالة هذه تقول لي تجربتها وهل راجعت طبيب وش تخصص الطبيب بالضبط
جزاكم الله الف خير