كت كات وقهوه @kt_kat_okhoh
عضوة فعالة
كت كات وقهوه تقول لكم وداعا وهذي قصتي
حبيباتي الحوامل عشت معكن 9 شهور كامله وانا اقرأ واشارك في هذا القسم حان الفراق بعد ان انتهت رحله الحمل على خير ولدت ولله الحمد فجريوم الاربعاء 16/7بعد ان خلص اطول شهر من اشهر الحمل كنت انتظر هاللحظه بفارغ الصبر ، طبعا الم الطلق بالاسبوع الاخير كان متكرر وقوي واذا اصبحت راحت الألام :icon36:وكل يوم اقول اليوم ولادتي يوم الثلاثاء قمت الصبح شفت دم خفيف زهري واستبشرت بقرب ولادتي وسألتكم وقلتوا قربت الولاده وانتظر طلق ما فيه ولا شي سكون وهدوء يخيم المكان اقصد الرحم :icon36:جاء العصر زوجي بيروح ايكياء وقلت بروح معه لمستشفى الحبيب اللي بالريان لأنه بالطريق وانا كنت فاتحه عندهم متابعه حمل قلت بحلل فلوس هالمتابعه رحت انتظار لأن ما عندي موعد ودخلت على الدكتوره خالده العتيبي وقلت لها وضعي قالت بكشف قالت 3سم والراس بعيد لو كان قريب كان دخلتك ولاده قالت روحي امشي وتعالي طلعت وقعدت امشي بنفس المستشفى رايحه جايه نص ساعه بعدين كشفت قالت نزل الراس روحي وتعالي الساعه عشر بالليل وانا مناوبه اليوم رحت لبيتي وجهزت نفسي قريت اذكار الولاده بمويه زمزم وشربت وقعدت امشي ساعه وجلست جلسه القرفصاء ودعت عيالي ومشيت الساعه عشر وربع بالليل وكان الطلق خفيف قلت بنفسي حتى لو بتحط لي طلق صناعي المهم بخلص وانا بالسياره بدا الخوف يدخل قلبي قلت لزوجي ابي ابره ظهر لان الطلق الصناعي لا يطاق رفض والمشكله شرط موافقه الزوج ، دخلنا الطوارئ استقبلونا وزن وتخطيط وقاست المناوبه الرحم قالت 3ونص والراس بعيد:icon36:قلت ابغى الدكتوره خالده هي بتولدني قالت اكيد طلق صناعي صعدوني فوق غرفه كبيره وحلوه وتخطيط مره ثانيه وسبحان الله واحس بالطلق الحقيقي زاد وقالت السستر فيه طلق قوي تشوف بالجهاز بديت اترجى زوجي ابره الظهر ورفض نزلت دموعي غصب عني رحمني وقال وين الورقه بوقعها سبحان الله كنت متوكله على الله حتى بأختيار المستشفى قلت لن يصيبنا الا ما كتب الله لنا ، جاء دكتور التخدير وضرب الابره بصراحه الابره بحد ذاتها تخوف وسدحوني على السرير احس بالطلق بس مخفف بنسبه 70 بالميه جت الدكتوره خالده قاست قالت مفتوح 4سم وفتحت المويه وزودت الطلق بصناعي بعد ساعتين احس برجفه بكل جسمي قاست السستر قالت (6سم بس يمكن انتي خوف كلام السستر) قلت لها خوذي من المويه اللي معي زمزم وامسحي رجولي انا خفت ان الرجفه من الابره وبعد ساعتين قاست قالت 8سم حسيت بدفع تقول لا تدفعين ، الدكتوره جت لما صار التوسع 9سم ويرفعون رجولي ويتجمعون على دكتورتين وسسترتين وادفعي ادفعي وانا بكل ما اوتيت من قوه ادفع قالت الدكتوره اكتمي الصوت وادفعي على تحت وادفع وينقطع النفس واخذ نفس وادفع والدكتوره تشجع وبعد جهد جهيد طلعت البنوته وحطوها على بطني طبعا شعور لايوصف فرحه بالنجاه والحياه طبعا سبحان الله حسيت بطلعه الراس كأن مافيه ابره ظهر اكتشفت ان الجزء الايسر ما تخدر زين لان الخياطه حسيت فيها بالجهه اليسرى ، بصراحه احنا اعطينا الولاده خوف اكثر من الازم سبحان الله ربي يسهلها وشوفت عيون الطفل تنسي كل اللي صار بالنسبه للمستشفى قمه بالتعامل والخدمه والدكتوره خالده عسل وضبطتني من تحت وقالت هديه مني بس جاني الم من بكرا بفتحه الشرج وانتم بكرامه لا يوصف شفت الموت وما راح بابر مسكنه ولله الحمد هذي قصتي واسأل الله من كل قلبي ان يسهل عليكن الولاده والحين ما انام الليل من هالصغيره صياح متواصل :love:
76
7K
يلزم عليك تسجيل الدخول أولًا لكتابة تعليق.
الفففففففف مبروووووووووك والحمدلله ع سلامتك انتي والبيبي
وتتربى بعزكم
وصادقه والله كله تساهيل من رب العالمين حتى المستشفى تسخير من ربنا
وعقابلنا ي رب بولاده سهله طيبة
وتتربى بعزكم
وصادقه والله كله تساهيل من رب العالمين حتى المستشفى تسخير من ربنا
وعقابلنا ي رب بولاده سهله طيبة
مبرووووك وفعلااا كل شي يتنسى لاشفتي طفلك سليم معاافى الله يحفظها لك وتشوووفيهاا عرووس ..
الصفحة الأخيرة
حمدالله ع سلامتك ومبرووووووووك ماجبتي