خلطة الحناء وللامانه هي للاخت حووور الجنان الله يشفيها ويجزاها كل خير طبعا مع بعض التعديلات اللي عملتها والمقادير بالملعقه حسب طول شعرك وانتبهوا اخواتي اعملوا الكميه اللي تناسبكم يعني ما ينفع تحطين الكميه اللي تبقى بالثلاجه للاستخدام القادم لا كل استخدام لازم تكون الخلطه جديده واذا طلع فيه زياده بالخلطه عطيها لاختك او للوالده الله يخليهم لكم<<<<<<اخلصي :)


3ملاعق حناء
2ملعقه سدر
نص علبة زبادي
3 ملاعق عسل طبيعي
ملعقه قشر رمان+ملعقة حبة سوداء مطحونه+ملعقة محلب+ربع ملعقة قرنفل+ملعقة قرفه+ملعقة بن أو نسكافيه+ملعقة شوكلاته بودره+ملعقة عشبة الاس مطحون+فنجان زيت من اي نوع تحبينه +ملعقة خل تفاح+ملعقة نواة تمر محمصه ومطحونه


طريقة العجن

تاخذين بصله وتقطعينها اربعه اقسام مع قشورها وتاخذين فص ثوم وتقطعينه نصين وتحطينهم بقدر صغير وتحطين عليهم كمية مويه مناسبه وتخلينها تغلي الى ان يتغير لون المويه ويصير اصفر غامق وتخلينه يبرد شوي
تجيبين ربع حزمة جرجير وتغسلينها وتحطينها بالخلاط باوراقها وتجيبين غصن صبار مرتوي وتشقينه بالسكين وتاخذين الجزء اللي لونه ابيض وتقطعينه اجزاء صغيره وتحطينها بالخلاط وتضيفين لها موية البصل وتخلطينها زين وما زين وبعدين تبدأين تضيفينها للمقادير السابقه حتى تتكون عندك عجينه تفتح النفس تقومين تغطين عليها وتتركينها نص ساعه تتخمر

طريقة وضع الحناء

خلال تخمر العجينه تروحين تعصرين ليمونه على كامل شعرك وتقسمينه جزاين كل جزء تقسمينه ثلاث اجزاء عشان يسهل عليك توزيع الحناء وبعدين جيبي الحناء واعصري عليه الجزء الثاني من الليمونه وحطي عليه بيضه واعجنيها وابداي وزعيها على خصلات شعرك بكل دقه وكل شعره اهتمي انه يوصلها الحناء الجذور والاطراف وكل شعرك واذا انتهيتي لفي شعرك بكيس بلاستيك وخليها على قد ماتقدرين بس مو اقل من ساعتين

الحين بعد ماتغسلين الحناء بمويه بس بدون شامبو جا دور حمام الزيت
3 او 4 حمام زيت ياليت فاشكول بالثوم
4ملعقه خميره فوريه حقة الاكل
3ملاعق عسل طبيعي
ساعه واغسليه بالشامبو واشطفي شعرك في المره الاخيره بالشاي اللي قلت طريقته في بداية الخطوات


ماسك تغذيه تقدري تسويه بأي وقت
تفاحه مسلوقه بحليب +3ملاعق عسل طبيعي حطيها بالخلاط وعلى شعرك ساعه او نص ساعه خطيررررر هالماسك لا يفوتكم اخواتي


اخواتي حبايبي عزيزاتي والله العظيم ان هذا اللي سويته واستمريت عليه ست شهور متواصله ومن كرهي لسيرة التساقط وحبي لكم كتبت كل شي بالتفصيل واي شي ناسيته بكتبه على طول اذا تذكرته يعني سبحان الله رحت مستوصفات خاصه ومستشفيات وحتى حجزت موعد مع دكتوره عالميه كانت جايه استشاره بس ورايحه وكل هذا مافاد مافادتني الا هالاثنين الفيتامينات وهالخلطه وهالحمام زيت والماسك والغذاء الصحي وكله بمشيئة الله تعالى لانه هو اللي ياخذ وهو اللي يعطي والسشوار تخيلوا اخواتي كنت ما استغني عنه كل يوم لازم سيشوار الحين مره وحده يوم الجمعه وماعاد احتاج غيره شعري سايح زي الشلال مع انه يوم كان مريض بالتساقط كان مثل المكنسه بالخشونه حبايبي ادري طولت عليكم بالكلام بس ابي اشجعكم انكم ماتفقدون الامل وان شاء الله اللي شعرها يتساقط تنتهي معاناتها ويرجعلها شعرها مثل اول واحسن من اول يارب هذه خطواتي بين اياديكم كل وحده تعمل الجدول اللي يناسبها ويناسب دوامها ووجود زوجها بالبيت حسب ما يتوافق مع اوقاتكم ويارب يارب تنتهي مشكله التساقط من كل العالم قولوا آمين وبالنسبه للاستفسارات انا حاضره بس لا تزعلون اذا مارديت بسرعه لاني معلمة بمكان بعيد ما ادخل البيت الا مع صلاة العصر وانام على طول بس ان شاء الله ارد عليكم فديتكم تقبلوا مروري واسفه على الاطاله :)

على فكره حبايبي الفيتامينات من زمان خلصتها وماعاد رجعت لها يعني كل فيتامين اخذت منه علبه وحده بس وماتأثر شعري ولا رجعله التساقط زي ماهو بالضبط

بنات حبايبي انتبهوا الخلطه تنزل حوالين الوجه لانها تنبت شعر اخاف نتوهق ونبدأ بموضوع ثاني ازالة الشعر من الوجه :09:

حبايبي اذا قصيتوا شعركم من الاطراف ادفنوه على طول ولاتخلين وحده غريبه تقصلك شعرك خلي امك او اختك ولازم تكون اللي تقصلك على طهاره يعني ماتكون معها الدوره <<<<<كل ماتذكرت شي كتبته تحملوووني :icon33:
وانتي تمشطين شعرك دايم اذكري الله وسمي على نفسك وتحصني انا كنت اشغل قرآن ليما اخلص تمشيطي لشعري وكنت اقرأ على الزيت واي شي استخدمه اسمي بالله قبل الاستخدام
انتبهوا لاتمشطون شعوركم وقت الغسيل اغسلي شعرك بدون مشط بعدين مشطيه اذا جف منه المويه :39:

وحده قالت لي بهالطريقه الله يجزاها خير وسويتها والنتيجه ماشاء الله تبارك الله تكثف الشعر وتثقله
جيبي زيت انوب وجيبي عشر حبات فيتامين ميكسافيت واطحنيها وحطيها بالزيت واستخدميه صراحه كنت احطه بزيت ام الجدايل من وادي النحل ونفس النتيجه يعني السر بالفيتامين وبعدين صرت احطها بزيت انوب :icon28: