السلام عليكم بنات
كيفكم
انا جديدة هنا وجديدة على الحمل أنا في ال هذا اول حمل لي يارب تمم ع خير .. ويرزقنا الذرية الصالحة من غير شر
عندي مشكلة مسببة لي تعب نفسي وجسدي وهي كثرة الذهاب لدورة المياه عدة مرات ماحسب من كثرتها والله تعبت حكيت الدكتورة هذا الشيء .. تقول بدري على هذي الأعراض ماتصير من الحين وتوهقت.
المشكلة الثانية: هي اني مو مرتاحة في المركز الصحي اللي اتابع فيه الدكتورة تنرفز وزوجي ماوده ياخدني لمركز غيره يقول التأمين ياخدوا كثير وحالتنا المادية صعبة ويادوب نكفي قيمة الإيجار والفاتورة كل شهر .. تخيلوا هو وعدني ياخدني لمستشفى راقي وخدمتهم اوكي بس غير رأيه فجأة والسبب صديقه زوجته حامل وتراجع في مركز حكومي وقال له عنه وزوجي غير رأيه مرة قهرني لما خلف وعده وهذا مو اول مرة يخلف وعده ^ دخلت في مشاكل حياتها وبدأت الدراما :)
المشكلة الثالثة: كان عندي اكتئاب وكنت أخذ أدوية قبل زواجي وقفتها دكتورتي تبع الحمل تقول راجعي دكتورتك لاني ما انام زين وقامت الدكتورة الحين تتدخل في اموري الشخصية وتقول لازم اراجع دكتورتي النفسية ودكتورتي بالأساس رفضت تكتب لي منوم قبل يعني ماعطتني ونومي للحين مو اوك هو خف الاكتئاب والقلق شوي مع العلاج النفسي لكن مثل ماهو نومي كان عندي مشاكل عائلية وزوجية قديمة دمرتني وانا تركت الأدوية لان تخلصت من مشاكلي القديمة وسمعت أنها تسبب تشوهات ومادي أضر الجنين حسبي الله ونعم الوكيل.
المهم : وش تنصحوني هذا اول حمل لي ومرة تعبانه زوجي مايقدر تعبي تخيلوا يجي من الدوام أو يقعد من النوم يشوف اني مانظفت زين يقعد يزن ع راسي ويبغى اطبخ غدا وعشا وفطور وانا تعبانه من الوحم أحيان بس أوقف يجي الغثيان والدوار ويقهرني لما يقول ليش مانظفتي والطبخ وغسل المواعين متعبني مو عارفة كيف اوازن حياتي أنا عروسة بعدي عاد وجديدة ع الحياة الزوجية والكرف مو من زمان متزوجة يعني ... تخيلوا مايطلب من المطعم لو يشوفني متكسرة يقول لي اطبخي الغدا والعشا ويبغى اصحى الصبح اسوي له فطور للدوام وانا تعبانه توها غفت عيني ومع ذلك اقوم اسوي لانه رجعته بيقعد يزن اني ماسويت له فطور مع أنه مو صعب يسوي له صمون وجبن أو بيض او ياخد من برا.
اسفة اني طلعت برا الموضوع بس مرة طفشت من زوجي لو ماكنت حامل كنت تركته مرة مضايقة من بخله وتعليقه ع كل شيء وعدم تقديره لتعبي اني حامل تخيلوا اليوم لما قلت له تعبانه يقول معنا في الدوام بنات حامل وياحليلهم .. حسيت بالقهر من رده قلت له يمكن مو اول حمل لها البنت البكر تتعب. سكت ومارد غير أنه متسلط علي بأوامره اللي تقهر روحي زوري اهلي هاليوم وكثير امور أنا مابغى أسويها لان أحيان اكون تعبانه أو مالي خلق .. مرة ناقشته في موضوع إلا قال لي ( انا ماحب أحد يتحكم فيني) يعني عادي مايستحي يقول الكلمة في الوجه مو مثلي اتحمل وأجامل حتى لو تعبانه.
يبغى البيت نظيف ويلمع وكل شيء مرتب وانا ماالحق اسوي كل شيء اتعب اطبخ ٣ وجبات في اليوم غير أنه عشاه بعد آخر الليل يجي يبي عشا واطبخ له مع اني تعبانه .. ويتشرط هذا ماعجبه وليش هذا كذا طعمه.
يعني زوجي فيه كل الصفات اللي ماتتنماها اي بنت بس انا مجبورة ابقى معه لأن ماعندي أحد في بالحياة واسباب اخرى ماقدر اشرحها.
مدري ويش اسوي هو الحامل اول مرة كذا تتعب وش تسوي غير شعري يتساقط بعد بكميات الله وأكبر منها وشعري خفيف خلقه بعد وزوجي منزعج من الشعر المتناثر في كل مكان كاني متعمدة اخليه يتساقط ..
المهم سوري طولت عليكم منفجرة مو عارفة اطلع اللي في قلبي ابغى حل لاني من احط راسي بنام يبدأ المشاوير لدورة المياه من الليل للصبح ٦ ساعات بدل انام انام فيها اصير رايحة جاية من الأبوال واحيانا كذا احساس ومافي شيء يعني قليل بس احساس بالرغبة اني اروح دورة المياه حللت مافي شيء .. أنا من أعلنت حملي لاحظت اني تعبت زوجي خبر كل الناس ..لما محد يدري ماكنت تعبانه كذا ولاحاسة بشيء
مدري وش الحل أحيان من قلة النوم احس ببكي وودي اهاوش زوجي واطلعه من حياتي لانه منرفزني مرة كارهته. الشيء الثاني: أن الدكتورة ماسوت لي ولاسونار تخيلو دخلت الشهر الثاني وماسوت لي لاني اتابع في مركز حكومي وتقول هذي خطة وزارة الصحة أن السونار مو الحين .. بس اي وحدة حامل تتمنى تشوف جنينها من أول لحظة لاني كذا ماحس اني حامل حتى بس تحاليل نتيجتي والله ييسرها العتب ع زوجي خلاني اتابع في مركز كذا وكان وعدني اتابع في مركز خاص والسبب صديقه الخمه حط في رأسه الفكرة وقلده. طاحت عيوني من زوجي انا قلت لما احمل زوجي بيدللني وماراح يخليني ادخل المطبخ وبخاف علي من الهوا.. بس كنت أحلم أنا وحظي اللي عمره مابيتغير.. اللي عندها رجال يخاف عليها وهي حامل مفروض تحمد ربها ليل نهار عليه احس اني اخترت رجال ماعنده مسؤولية ومايهمه حملي .وشايلة في خاطري وابين العكس