كثرة عمليات الأنابيب والعلاجات والمضاعفات

السلام عليكم
كيف حالكم ياجميلات ، من العنوان واضح وش أبي أتكلم عنه لأجل تستفيد كل وحدة عندها تكرار محاولات ..
شوفو كل وحدة فينا لها جسم مختلف بطبيعته عن الثانية لهالسبب طبيعي تكون الاستجابة والاعراض مختلفين .. وبالبداية والنهاية كل وحدة بتاخذ رزقها من الدنيا
.
أنا سويت أنابيب مرات كثير مررة ولله إني مدري كم مرة ، ولا مرة استمر حملي والحمد لله يارب ماربي أراد لي الحمل وقتها لأنه يبي لي هير أفضل ،، الحين بكتب لكم من كثر التكرار وخصوصا ورا بعض وش جاني
.
.
١/شطوب بفتحة الشرج ..
.
٢/انتفاخ بالبطن ..
.
٣/توتر نفسية وبس متضايقة وزعلانه لأنه يوم تفشل العملية اريح شهر ثم ارجع بعد شهر ونفسيتي مرة زفت اصلا فيكون ببالي لازم هالمرة يتم الحمل ويوم مايتم نفسيتي تتعسر زيادة
.
.
٤/خساير ماليه ومادية متتالية لأن التكاليف مرتفعه
.
.
٥/ الزوج ممكن يطفش ويحسسك انه أنت العيب منك حتى لو كان هو السبب ، خاصة لو حصل حمل وثم مات الجنين ممكن يقول بنفسه انا سليم وهي اللي رحمها فيه عله مو جالس يشيل أطفال .
.
.
٦/ تقصير بمهامك المنزلية والوظيفية ، تكرار العمليات ورا بعض لو انت موظفة ممكن يخلي الدوام مايعطونك اجازات ولو ربة منزل بتلاحظين اهمال لبيتك
.
.
٧/أصعب وأمر شي ممكن يحصل بالأنابيب بأنه كنت أحمل ولكن الحمل مايكمل اكثر من ست او سبع شهور ، متخيلين الأذى البدني والنفسي ، متخيلين الاستعداد وكيف تكوني شايفة النونو ثم تفقدينه …

.
.
لهالسبب يابنات نصيحة لكم من أخت اللي عمرها لسه صغير تخلي فاصل كم شهر بين المحاولات لأجل تستعيد قوتها النفسية والجسدية ولأجل تنسى التجربة الماضية ، ماودي منكم وحدة تدخل بتحربة جديدة وتجربتها القديمة اللي مانجحت لسه عالقة براسها وماراح أثرها النفسي عنها ، أبي أي وحدة تقدم عالانابيب او العلاج تكون بنفسية حلوة وماتكون توها مصدومة لأن النفسية اهم شي بالعلاج …
.
.
انا الحين يمكن تميت ست شهور الحمد لله من بعد اخر محاولة ، ولله مدري كم بالضبط مابي احسب لكن اتوقع كذا ، وحاليا فعلا نفسيتي فرق عن قبل ، قبل ياربي كيف كنت خبلة مستسلمة للحزن ، الحين لا ، صرت مؤمنة انه مايجيني الا الخير ويومي سعيت بالسبب مفروض افرح باختيار الله لي …
.
.
.
شي مهم ، أي وحدة تعالج لاتتعمق بقوقل وتبحث وتتوتر وجاني نقطة دم وجاني حرارة وصدري كبر ، لاتمشون ورا حكي ممكن يسبب لكم صدمة ،،، واللي يتم حملها لاتصير مرجوجه وخل تستهدي بالله وتطلب من الله يثبته وتقرا اذكار ومعوذات كل يوم ، وعلى فكرة دايم اشوف بنات يسألون هل عادي امشي هل عادي اسافر ،، ياحبايبي مل بنت غير الثانية ، العادي عندي يمكن مو عادي عندك فانت ابخص بنفسك واستشيري طبيبك .

.
.
'شاركوني بمضاعفات العمليات معكم ونصايحكم