كل شي قسمه ونصيب ..
ماهو على زين وشين ..

بنت خالتي اتعب وانا اقول ملكة جمال .. من احلى ماشافت عيني ... اذا راحت لزواج يخطبونها 10 حريم لعيالهم ..
تنخطب بـ الاسبوع 3 مرات ..

بس نفس حالتك تقول مادري وش فيني ... ربي مابعد كتب لي اتزوج .. كل مره يتعكر الموضوع واحيانا لاسباب سخيييييفه
بس هي لسا ماقد دخلت على احد يشوفها وابدا .. والا اتوقع لو شافها احد بيروح وطي مع زينها وجمالها ..
بس هي تقول مايتيسر امري .. اذا استخرت ماارتاح .. او القى فيه عيب بسيط .. ومن هالاشياء ..

الحين صار عمرها 25 ولسا ماتزوجت وهي من ايام ماكانت بالمتوسط وهي تنخطب .. نص شباب الرياض خطبوها ..

بس هي تقول اشوف بالمنام دايما اشخاص اعرفهم زي اللي يلحقوني ويبغون يضروني ..
قال لها الشيخ انتي فيك عين ..
الحين هي مداومه على قراية سورة البقره .. والاذكار كل يوم

والله يكتب النصيب

والله إنك صادقة...

في وحدة أعرفها جوها ناس يخطبون بنتها وبنتها عمرها 25 المهم قالوا لأمها قبل ما يشوفون البنت

...ترانا نبغاها مثل الرقاصات اللي في أغنية البرتقالة.....الأم انصدمت قالت الناس يدورون الأخلاق والدين....وصكرت السماعة ....
ما قالت بنتيمي صغيرة وأبغى أزوجها أي واحد

واللحين ماشاء الله عليها متزوجه لها سنة وهي مستانسة

هلا قوتشي

اهم شي هالموضوع لاياثر عليك وادري انه صعبه لما تحصل وتتكرر هذه الامور والله يوفقك يارب ويرزقك بالزوج الصالح عاجلا غير اجل

الله يسهل امري وامرك يااخت قوتشي ويكتب لنا الخير وين ماكان

انا مثلك دائما انخطب ولكن ماتتم الخطبه بس انا عمري ماطلعت نظره شرعيه كلها خطبة حريم ويكون كل شي اوكي ويتصلون ياخذون موافقتي المبدأيه من الوالده وبعدهااااا يتوقف الموضوع

يمكن عشر مرات وانا انخطب وماتتم الخطبه ... ورحت لشيوخ وقالوا عين واللي قال حسد

لكن الامل بالله كبير ولابد يجي يوم بإذن الله وتتسهل امورنا يارب

دعواتك لي