بسم الله الرحمن الرحيم
اخواتي العزيزات عضوات عالم حواء اكتب لكم وانا موكله امري ومفوضته لله عزوجل
ولكن ماكتبت الا من كثر ماأشغلني التفكير والقلق.... انا عمري 27 سنه وتقدم لي قريبي
ووافقة وتمت النظره والحمدلله
ولكن عقب النظره بدى الهم والخوف والقلق كلمتني قريبه لي وقالت لي فلان يشم
وكمان عينه زايغه وعصبي ومايعترف بشي اسمه مرءه انا صراحه حالتي صارت
صعبه وكلمت اخواني وقلت لهم والعاده مجتمع الشباب يعرفون بعض كويس
وسألو عنه الشباب وكمان خلو من عيال اقاربنا الي لهم معارف كثير بين الشباب يسألو
والكل مدح فيه وقالو ماله في الشم وهالعلوم
وكمان قبل كم يوم كلمتني وحده وقالت انا بنصحك هذا الأنسان مايناسبك هو غيور
وعصبي وكمان مايبيكي بس يبي يريح راسه من زن اهله
المهم لأنه قريبنا وعلاقتنا مع اهله حلوه كثييييير كلمنا اخته كبييييره حيل
وقلنا لها وهي كلمته قالت انت قايل ماتبي البنت قال انا لو مابيها مارحت لأهلها
وانا ودي ارتبط فيها اليوم قبل بكره
اخواني يقولون والله انه رجال وماعليه بس هذا كله من حسد الحريم يبون يخربون
عليكي وخصوصآ ان الأوله باقي بنت وهي تحبه والثانيه يبوني لولدهم ورفضت
آآآآآآآآه ياقلبي ..... هو بصراحه عصبي شوي وحيات اخواته انفتاحيه مررررره
وهو مايحب كثرة الأنفتاح اخته تقول هو مثله مثل كل الرجال موخالي من العيوب
بس انتي وشطارتك في تغييييره
والله اني خايفه ماقدر
مادري بقدر اغيره مثل الحريم الي قدرو على رجالهم اولاء
والله صرت مانام كويس من التفكير
انصحوني وشورو علي واذا تقدرون تفيدوني بأي نصيحه عن الزوج العصبي
وكيف اعوده من اول الحياة على الي ابي
والله عندي كلام كثييير بس احس موعارفه شلون اصيغه
سوسو تشكن نونو @soso_tshkn_nono
عضوة جديدة
يلزم عليك تسجيل الدخول أولًا لكتابة تعليق.
على حسب انتي أستخيري واسالو عنه اكثر..، وانا والله جاني كلام عن خطيبي وسارت مشاكل ودنيا والله أني كرهته وبعد الملكه طلع كله كذب وحتى هو قالي والله حتى انا جوني ناس يذمو فيني يعني السالفه تفرقه وتحريش حريم ..، لأكن إسالة تاكدو قبل كل شي
الصفحة الأخيرة
انتي صلي استخاره اكثر من مره وادعي كثير ..
ودام اخوانك سألو ويمدحونه انتي وكلي امرك لله
والافضل ان اخوانك يسألون عنه بالدوام اذا كان منضبط وبمواعيده ولا لا
ويسألون امام المسجد اللي بحارتهم ..
بس كلااااااااااااااااااااااااام الحريم لايأثر فيك واصلا لاتسمحين لهم انهم يعطونك رايهم
وبعدين هم وش دراهم عن الرجال اصلاااا !؟ يجلسون معه ولا يكلمونه ؟!
ماحد يدري عنه الا الرجال اللي مثله , وانتي اطلبي من اخوانك يسألون اكثر ويحاولون يشوفون وضعه وسهراته وهالاشياء
عشان تطمئنين اكثر وللحيطه والحذر
واهم شيء الدعاء واكثر من الاستغفار ورددي ( حسبي الله ونعم الوكيل )
واذا عصبي ترى ما اتوقع انه عيب , احس عادي
وبعد شخصية الزوج مع زوجته غير عن اخواته ..
انتي خلي عندك ثقه انك رح تغيرينه ..
وصدق هو لو مايبيك ولا فكر فيك مارح يجيك شباب هالايام محد يقدر يجبرهم على شيء مايبونه