كثر الكلام على البدويات وعن شعورهن

حبايبى كثر الكلام عن البدويات وعن جمال شعورهن انا اقولكم السر بس مو كل البدويات يعنى انا مثلا ماخليت شى ما جربته بشعرى يعنى حالى حالكم ولا احب الزيوت اللى فيها ريحه شينه مثل دابر ولا الحلبه ولا الحنه يعنى بالعربى ودى شعرى يطول بدون هالاشياء وانا اقولكم ليش شعورهم طويله
اولا يحافظون على شعورهم بالحنا وخاصة البنات الصغيرات يعنى متعودين عليها منذ الصغر
ثانيا اى زيت يستخدمونه وفى الاونه الخيره كثر استخدام زيت دابر املا لانه فعلا احسن زيت للشعر
ثالثا يستخدمون السدر والشمطرى حتى يكتسب الشعر قوة ومتانه ولمعالجة الفطريات والقشور بالشعر لانها من مسببات تساقط الشعر
رابعا يستخدمون شى الاوهو الرشوش وهو لتعطير الشعر ويعطى الشعر سماكة بعد استخدامه ومن عيوبه انك تحسين انك حاطه رمل على شعرك
خامساالحلبه يستخدمونها بس عدد قليل وقبل ما يحطونها مع الحنه يحمسونها على الناروثم يطحنونها ويضعونها مع الحنه بس انا ولا مره حطيتها فيه من قريباتى يحطونها وقالولى الطريقه
سادسا يستخدمون بول الابل لانها تطول الشعر ومن يقول ان كل البدويات يستخدمونها غلطانين لانى ولا مره استخدمتها ولا وحده من قريباتى بس امى الله يرحمها استخدمتها وفعلا طال شعرها
ومو اى ناقه ياخذون بولها فلناقه مواصفات خاصه ان شاء الله انزل لها موضوع بعد ما ابحث واسال عنها
ولكم تحياتى واى سؤال انا حاضره وخصوصا عن البدويات