- ولا اوفر درهم واحد حق الاولاد لانه مدارسهم خاصة يعني الولد الكبير مدرسته تكلفنا 16 الف درهم في السنة والثاني 14الف والبنوته السنه الجايه نفس المدرسة مافي مجال نغير مايرضا زوجي ومن غير المدرسة الخاصة تجي في اليوم الساعة 50 درهم وشوفي كم ساعة احتاجها لبعض المواد بالنجليزي والباقي انا اكمله واذا شافني زوجي تعبانه يقول اجيب لج مدرسة تعيش عندنا نعطيها 2500وتريحك لاكن مارضيت طبعا.

من البداية قلت اذا الشئ يستاهل اني اصرف فيه فلوس صرفت وما حرمت نفسي
وما اجمع الفلوس على حساب التقصير والحرمان
برضه انا ما اعرف ظروفك لكن انتي طلبتي رأي واللي اشوفه من كلامك
انك تفكري شوي بالمنطق بعيد عن الخاسرة المادية
اذا المدرسة الخاصة تقدم برامج حلوة مثل تقوية اللغات او الكمبيوتر او تحفيظ قران او انشطة حلوة واولادك مستفدين منها ليش لا حلال عليهم يستاهلوا الفلوس والله يعوضك
لكن اذا كانت مثل اي مدرسة خاصة وشايفة انهم مو مستفدين شئ ومستوى اولادك التعليمي مو ممتاز او جيد جدا ومستوى المدرسين عادي لا حاولي انك تقنعي زوجك بالمنطق ( استخدمي اسلوب التجارة رجل الاعمال مايقنعه غير دراسات الجدوى الاقتصادية والتفاصيل الدقيقة والمميزات والمساوئ بالمشروع القديم والجديد وكل شئ يكون موجود بملف ويقدم )
لاتخلي الموضوع بسبب الفلوس لان هذا راح يعتبره اهانه له خذيها من منطلق ان مستوى المدرسة صار بالنازل وان اولادك مستواهم الدراسي منخفض او المدرسة وقبل لاتبداي اعملي ابحاث على كذا مدرسة ارخص ومستواها بنفس مستوى المدرسة الاولى وشوفي برامجها واسعارها واذا في بروشورات عنها وحطيها بملف يعني خليك جاهزة لاي اسئلة يسألها وقدمي التفاصيل

بالنسبة للمدرسة الخاصة اذا اولادك محتاجين لها لا تحرميهم منها ولكن اذا مستواهم الدراسي عالي حاولي تجيبينها مرة بالاسبوع لمراجعة المواد ودروس الاسبوع
هذا كيف انتي تقررينه شوفي مستوى اولادك الدراسي وجربي انك ما تحضرينها لمدة كم اسبوع وقولي لاولادك انك حابة تعويدهم على انفسهم وشجعيهم اذا حافظوا على مستواهم الدراسي او زاد اوعديهم بهدية كل شهر و اذا شفتي مستواهم نزل لا جيبيها والله يعينك


- يوم عندنا مناسبة عرس مثلا يعطيني 15000الف لي انا بس من غير الاولاد بس انا دائم اشتري ذهب والماس وافصل فستان 1500 ويتجنن عليه يقول يسوى 15000 ما يدري قيمته الحقيقيه ههههههه في هذه اقدر اوفر شوي امي تقولي اذا شي بيكلفك 1000 قولي 2000 وفري بس احس اني اكذب ما ادري شو اسوي والله محتاره

لا حبيبتي هذا مو اسمه كذب انتي خايفة على اولادك وعلى نفسك عشان كذا حابة انك تأميني المستقبل ولو بمبلغ
بسيط
كلام امك صحيح انتي ما تستغلي زوجك انتي تحاولي انك تجمعي درهمك الابيض لليوم الاسود
انا حاطة حساب ايداع زوجي ما يعرف عنه شئ واجمع فيه اي مبالغ يعطيني ايها هدايا او تكون حالته المادية هذاك الوقت حلوة اخذ منه بحجة اني حابة اشتري شئ واخليها بالحساب
ظروفي ماتسمح اني افتح مشروع والا كان فتحت لي واحد لكن احاول استفيد من وضعي الحالي
انتي ما تعرفي صحيح الاعمار بيد الله لكن لاقدر الله يصير لزوجك حادث خطر او يموت او بلحظة يخسر كل شئ كيف بتتصرفي اذا ماعندك مبلغ باسمك خاص فيك
انا اذا سمعت الحوداث اللي تصير للزوجات الغير موظفات وكيف يصير حالهم اتضايق الوحدة تتطلق بعد عشرة عمر او تترمل ومامعاها حتى قيمة مصروف يكفيها و يكفي عيالها حاجة السؤال هذا غير انها بتكون ماتعرف كيف تتصرف لانها متعودة طول عمرها بس تاخذ وتصرف وماتفكر بشئ ثاني
اذا بيتك ملك الحمدلله اذا لا حاولي اقنعية بالملك
حاولي اقنعيه بوضع حسابات توفير لاطفالك بمبلغ شهري بسيط
واذا كل شئ رافضه مالك الا حل امك ابداي فيه لكن لايكون الاسلوب متكرر بعدين بيشك بالموضوع وجمعي اذا مستقبلا اتوفر مبلغ يسوى حطي لك عقار او ارض
انا اعمل نفس الحركة لزوجي وامي نفس الحركة بوالدي

- لما نسافر لازم فيرست كلاس وفندق 5 ستار غالي بالمرة اتمنى اسافر دولة نعيش على راحتنا فيها مثلا لما رحنا تايلاند وايد كان متضايق .
الفيرست كلاس ودرجة رجال الاعمال لرحلة دولية اكثر من 3 ساعات اشجع عليها لانها مريحة اكثر من السياحي
جربي درجة الافق او رجال الاعمال نفس مستوى الفيرست كلا س لكن ارخص بالسعر مافيها اي اختلاف يذكر نفس الوجبة نفس الضيافة نفس المقاعد لكن باختلاف بسيط لايذكر

انصحك انك تروحي للجزر مرة روعة مثل بورا بورا جنوب فرنسا او موريشس انا رحت لهذي الجزر طبيعة احلى من شرق اسيا( ما احبه ) والاحلى انها عبارة عن منتجعات ( شاليهات ) راقية انشطة بحرية رحلات سفاري والاحلى انه مافيها اسواق تجارية كبيرة يعني ما راح تخسري فلوس للشوبينق واطول مدة تجلسي فيها عشرة ايام فقط بعد كذا راح تملي
انا اجمع بروشورات عن الجزر من مكاتب الطيران واحتفظ فيها ونشوف ايش اللي حلو ونسافر له واذا ماسفرنا لظروف احطها يمكن الله يسهلها ونسافر
من زواجي ماسفرت سياحة الا ثلاث مرات عشان كذا مااقدراخدمك فيها
لان زوجي من الاساس يسافر للخارج للدول العربية عشان اعماله وانا اسافر معه لكن ماناخذ فندق الا اول ثلاث ايام ثم نستاجر منزل عشان نعيش فيه فترة وانا ما اعتبرها سياحة لاني اهتم بالبطخ والبيت وملابسه يعني كاني ساكنة ببيتي وغير كذا كل مشاريعه بمناطق ارياف نصحا من الفجر وننام مع الغروب
واخر اربعة ايام يجبر بخاطري على المشقة اللي اشوفها في الارياف وينزلني السوق كم يوم ومع هذا مااشتري شئ لان البلدان اللي نكون فيها اسواقها اقل من مستوى السعودية

- رغم هذا كله نمر بايام الظروف تكون صعبة فيها انتي تعرفين التجارة ويوم انصحه وما ياخذ النصيحه يتندم ويقول بوفر ومن يرجع كل شي طبيعي يرجع عن كلامه ويقول كم بنعيش بكره بنموت وما راح ناخذ شي معانا اقول له الاولاد لازم شي يضمن مستقبلهم يقول دام اني عايش خليهم يعيشون ملوك بعدين الله كريم والله اني خايفه من المستقبل

عارفة ذكرتيني بقصة حقيقة حصلت بالسعودية لرجل اعمال مشهور كان معيش اولاده ملوك كل سنة سيارة غير غير السفر والبذخ اللي ماله حدود حياتهم الكل يحسدهم عليها ولا زوجته شئ مو طبيعي خدم وحشم
الاولاد ماكانوا يشتغلوا مع ابوهم شغلتهم الوحيدة صرف الفلوس وبس
توفي الاب وبعد الحداد عليه تجمع الاولاد بيشوفوا كم حط لهم الوالد من ورث وما لقوا ولاشئ حتى الشركة طلعت مديونة للبنك
ليش لان الاب طلع يصرف على اولاده بدون حرمان ولا حتى فكر بمستقبلهم او يحط لهم شئ يستفيدون منه بعد موته
باعوا كل شئ باسم الوالد عشان يسددوا ديونه وما بقالهم الا شئ بسيط
اضطر الاولاد انهم يبحثوا عن شغل ومستواهم المادي الان سئ
واحد من اولاده يقول الله يلعن الشايب بعد مامات عيشنا بفقر ياليته حرمنا وخلا لنا شئ بعد موته

يسلموووووووووو

مكرر

اختي ممكن لو راسلتك علي الخاص تفيديني و لا فيها ازعاج