french-vanilla-sa :

مشكورة اختي لكن لي تعليق ما لك ومال الناس خلي تعليقاتهم ولاتتوقفي عندها ترى اذا جلستي تسمعي للناس ما راح تتقدمي خطوة واحدة في حياتك ( اسألي مجربة ) ما في داعي انك تعلمي الناس عن اساليبك اهم شئ انك تكوني مرتاحة انا والدي من 35 سنة بدأ بعمل ايداعات لاخواني الصغار والكبار كلهم مبالغ بسيطة لكن تخيلي المدة ( كل من يتم سنة من عمره يفتح له حساب ايداع) لكن الان هو استفاد ماصار عليه ضغظ مادي لما كبروا اخواني كل واحد صار له مبلغ محترم 100000 ريال يبدأ فيها حياته بعد التخرج من الكلية اللي تزوج فيها واللي اشترا سيارة واللي فتح عمل حر له وبدأ بمشروع ولسه باقي اثنين منهم الصغار اما فلوسي 100000 ريال اخذها واشترا لي ارض بأسمي بمنطقة بعيدة (لمى صار عمري 25 سنة) عشان المستقبل من 7 سنين ارضي الان تسوى فوق 600000 ريال لان العمران وصلها والحي انسكن بالناس والناس مومصدقة من وين لابوي هذي الفلوس عشان يعطي اخواني لانه موظف لكن شوفي لانه فكر شوي بالمستقبل وخاف علينا من الحاجة للناس سوى الحركة هذي وكان يقول انا متأكد لو اموت والله محد بيناظر عليكم او يساعدكم بفلوس تسوى عشان تتزوجوا او توقفوا على رجولكم ولا تعتقدي اننا ما ردينا المبلغ كل واحد منا الان يدفع لوالدي لرد المبلغ اللي اعطانا اياه بعد ماتقاعد من العمل انا سددت ديني له من سنة فكري بكلامي شوي وراح تشوفي انه مقنع حتى لو كانت المدة طويلة بالنهاية انتي واطفالك الكسبانين اما بالنسبة لمسألة الطيران انا ما اعرف انتي من اي دولة لكن ادخلي على موقع خطوط الطيران ببلدك وابحثي واسألي لاني اتوقع كل خطوط الطيران تقدم عروض وتخفيضات عشان الانتشار اما الخطوط السعودية ما يستفاد منها الا اللي في السعودية بالتوفيق

مشكورة اختي لكن لي تعليق ما لك ومال الناس خلي تعليقاتهم ولاتتوقفي عندها ترى اذا جلستي تسمعي...

ناعمة الخدود :

مشكورة اختي على الموضوع الرائع والله ما قصرتي انا يا اختي عندي مشكلة واتمنى انك تساعديني فيها ... انا من عائلة متوسطة الدخل تربيت على الاقتصاد والقناعة الحمد لله بس تزوجت من رجل اعمال والله الحمد عنده خير وما يعرف معنا التوفير ابدا ابدا يعني ابدا معاج بمشكلتي : 1- مصروف البيت 2000 درهم شهري للاغراض مثل الصابون والكلنس واغراض المطبخ من غير الحم والدجاج والفاكهه والخضرة والاسماك هذا هو يجيبهم ولا يرضا اشتري شي رخيص مستحيل من كل شي اغلى نوع حتى صابون لليد من اريج الوحدة ب 45 درهم. 2- عندي خدامتين وبستاني كانوا ثلاث بس سويت مشكلة وسفرت الثالثه تاكل وتنام وعملت المستحيل لين سفرتها راتبهم في الشهر 2300درهم. 3- زوجي يحب يعطي هذا وذاك بأتفه الاسباب يعني لما يروح رحله مع الشباب يخلي كل شي عليه حتى لو كان معزوم من كل شي يتكفل فيه هو ليش الكرم الزايد ما اعرف ويوم اخوانه يطلعون مثلا رحله يسون جمعيه يقول شو جمعيه كم تكلف الرحله والاكل انا اتكفل بكل شي ليش ما ادري وما اقدر اتكلم. 4- عندي ولدين وبنت في الاسبوع مرة نطلع السينما تكلفني الطلعة مع العشا 500 درهم . 5- المجاملات التافهه شو اسوي فيها الكل يجيب لي هدايا معتبرة اقل شي 500 درهم من غير الذهب والحلويات ما قد حد جاب لي اقل من باتشي او بستاش وتعرفين قيمتهم شو ارد عليهم لا زم نفس القيمة . 6- ولا اوفر درهم واحد حق الاولاد لانه مدارسهم خاصة يعني الولد الكبير مدرسته تكلفنا 16 الف درهم في السنة والثاني 14الف والبنوته السنه الجايه نفس المدرسة مافي مجال نغير مايرضا زوجي ومن غير المدرسة الخاصة تجي في اليوم الساعة 50 درهم وشوفي كم ساعة احتاجها لبعض المواد بالنجليزي والباقي انا اكمله واذا شافني زوجي تعبانه يقول اجيب لج مدرسة تعيش عندنا نعطيها 2500وتريحك لاكن مارضيت طبعا. 7- يوم عندنا مناسبة عرس مثلا يعطيني 15000الف لي انا بس من غير الاولاد بس انا دائم اشتري ذهب والماس وافصل فستان 1500 ويتجنن عليه يقول يسوى 15000 ما يدري قيمته الحقيقيه ههههههه في هذه اقدر اوفر شوي امي تقولي اذا شي بيكلفك 1000 قولي 2000 وفري بس احس اني اكذب ما ادري شو اسوي والله محتاره. 8- لما نسافر لازم فيرست كلاس وفندق 5 ستار غالي بالمرة اتمنى اسافر دولة نعيش على راحتنا فيها مثلا لما رحنا تايلاند وايد كان متضايق . 9- رغم هذا كله نمر بايام الظروف تكون صعبة فيها انتي تعرفين التجارة ويوم انصحه وما ياخذ النصيحه يتندم ويقول بوفر ومن يرجع كل شي طبيعي يرجع عن كلامه ويقول كم بنعيش بكره بنموت وما راح ناخذ شي معانا اقول له الاولاد لازم شي يضمن مستقبلهم يقول دام اني عايش خليهم يعيشون ملوك بعدين الله كريم والله اني خايفه من المستقبل . 10- شاكره لج افكارج الجميلة وانتظر ردج السريع لكي جزيل الشكر .

مشكورة اختي على الموضوع الرائع والله ما قصرتي انا يا اختي عندي مشكلة واتمنى انك تساعديني فيها ......

سمارا تمارا :

صاحبة الموضوع ماشاء الله عليك اعذريني اذا رديت على مداخلتين عجبوني صاحباتهم وتحمست ارد أختي الغاليه انا عن نفسي مستواي متوسط يعني الظروف على القد في اشياء احب اشتري منها خاصه في العروض وتبقى شرين واكثر ملابسي وملابس الاطفال من التخفيضات الماركات اللي تقولين عنها تجاريه او تتغير لأن مش مقدوري ديور ولا شانيل بس تدوم في الغسيل واللبس خاص للأطفال من مذر كير وادمز ومنسون الحين صار لي ظرف وما اشتغل يعني ما ادخل فلوس زي زمان بس يوجد عندي ملابس وعند الاولاد بعضا لسه جديد وما انلبس اشتريته نهاية الصيف في التخفيضات الحين هو جديد والموضه ترى ما تتغير بها السرعه احنا بس اللي عيونه زايغه ونحب نشتري ونكدس لما اطلع عند الناس ما احس اني صار لي 7 شهور ما اشتريت شئ جديد لي لأن اللي عندي من أول ممتاز واسعاره مناسبه شكرا على الموضوع يارب استفيد منه في المستقبل

صاحبة الموضوع ماشاء الله عليك اعذريني اذا رديت على مداخلتين عجبوني صاحباتهم وتحمست ارد أختي...