.
كل مايكتبهـ الله .. به خيره .. حتى لو كان فراق .. وجفا .. وخيانه ..
وكثّر الله طيـب خفّاقـي وطيـب عناقـه !!
قصيده راقت لي لعلها ترقى لذائقتكـم ,
مابقى لخاطـر عيونـك شـي ماسوّيتـه
....................... ومابقى في خافقي داعـي لكثـر أشواقـه
كثّـر الله خيـر قلـبٍ بالخطـا حبّيـتـه
....................... وكثّر الله طيـب خفّاقـي وطيـب عناقـه
ياغلا لو كـل جـرح يصيبنـي ردّيتـه
....................... مالقيت أسهل مـن الغـدر بوفـا العشّاقـه
أعتـرف يامـن ظلمنـي كثـر ماحبّيتـه
....................... كان همّي بالوصال وكنت أبيـك عشاقـه
وأعترف يامن سرقـت القلـب وإحتلّيتـه
....................... ماني أوّل واحـد يمـوت بغـلا سرّاقـه
وأعترف لك كنت أحبّـك فـوق ماظنّيتـه
....................... وأعترف ماكنت ناوي خافقـك بإحراقـه
وأعترف لك مابقـى طـاروق ماغنّيتـه
....................... والمصيبه مامعي غيـر الشعـر وأوراقـه
وأعترف لك مابقـى بـي دمـع ماهلّيتـه
....................... وبصراحه!! للحزن ماعـاد فينـي طاقـه
ياكثر من خـان فينـي والسبـب داريتـه
....................... مثل بنت تخونّنـي وتقـول لـي مشتاقـه
وياكثر من كان يخدعنـي وانـا عزّيتـه
....................... وياكثر ماكان قلبي صـادق مـن أعماقـه
وين أبلقى شخص يعطيني مثل ما أعطيتـه
....................... ووين أبلقى قلب وافـي يخلـص لعشّاقـه
كل ماحبّيـت شخـص بدنيتـي وأغليتـه
....................... كـل مـا أزيـده غـلا يزيدنـي بفراقـه
ليه؟؟!! أنا ناقص تعب؟؟ درب التّعب خلّيته
....................... سمّح الله درب من فـارق وانـا مشتاقـه
سمّـح الله دربـك ولا زال مـن جافيتـه
....................... يعشق وصالك ويعشـق عينـك البرّاقـه
والخيانه درب ماهـو صعـب لا مرّيتـه
....................... بس مالي لا جمـل فيهـا ولا لـي ناقـه
طبع فيني لا كرهـت انسـان ماضرّيتـه
....................... عاد كيف اللي سكن قلبـي بيـوم وشاقـه
رح مسامح صدّك وماجيـت بـه ودّيتـه
....................... غير ذكرى خافقٍ صانـك وزدت احراقـه
والوعـد لامرّنـي طيفـك ولا حيّيـتـه
....................... والوعد لا شفت لي غارق وزدت اغراقـه
وايش يعني لو فراقك صعـب لا حسّيتـه
....................... الـدّوا شافـي وطعمـه مـر للـي ذاقـه
علّمتنـي دنيتـي دربٍ بـعـد ماجيـتـه
....................... بس انـا بمشيـه دامـه لاح لـي برّاقـه
من يروّح مـن خـلاه يمـوت ماناديتـه
....................... ومن يجيني ياهلا لـو كنـت مـا أشتاقـه
من بناله في حـدودي بيـت ابهـدم بيتـه
....................... ومن نوى فيني بكسر السّاق ابكسر ساقـه
واستمع خطٍ لجـل عيـن الشقـا خطّيتـه
....................... ان بدعت أو قول جابه شاعر من اعماقـه
لا تدوّر مـن تبـي حتّـى ولـو حبّيتـه
....................... دوّر اللي هو يبي حبّـك وأخـذك عشاقـه
.
Oo الــدخيــله oO @oo_aldkhylh_oo
مساعدة مشرفة الواحة الأدبية
كثّـر الله خيـر قلـبٍ بالخطـا حبّيـتـه ,, وكثّر الله طيـب خفّاقـي وطيـب عناقـه {....
9
2K
يلزم عليك تسجيل الدخول أولًا لكتابة تعليق.
كل مايكتبهـ الله .. به خيره .. حتى لو كان فراق .. وجفا .. وخيانه ..
وكثّر الله طيـب خفّاقـي وطيـب عناقـه !!
وكثر الله خيرك ياالغاليه وربي إنك ذويقه وأنك مبدعة في أختيارك للكلمه ...
وكثّر الله طيـب خفّاقـي وطيـب عناقـه !!
وكثر الله خيرك ياالغاليه وربي إنك ذويقه وأنك مبدعة في أختيارك للكلمه ...
الله الله على قمة الذوق والاختيااااار
يالله حيها وحي ماجابته .
قمة ومن انسانه شامخه تجيد الاختيار الرفيع .
غاليتي
اسمحي لي على قلة ردودي .
ارق التحايا
يالله حيها وحي ماجابته .
قمة ومن انسانه شامخه تجيد الاختيار الرفيع .
غاليتي
اسمحي لي على قلة ردودي .
ارق التحايا
الصفحة الأخيرة
إسم لامع في عــــــــالم الذوق
وقناصه ماهره لكل ماهو رائع
أشهد إنك يالدخيله ذوق في كل الأمور
............ وأشهد إن اللي عطاك من الحلى ماهو بخيل
إختيارك يالدخيله يبعـث أنواع الســـرور
............ والردود اللـــــي تحطينه هـــــي أكبــر دليــل
أبيات وربي طلعت مني كيبورديه لمقامك السامي
لأني بعض المرات يخوني التعبير بالكلام نحو الآخرين فأكتفي بالشعر
أتمنى تتقبلينها بكل صدر رحب
ودمتي مبدعة
تحياتي
أختك
قصيمية