كثير الشكوى كثير التذمر ودايما حزين

هذا اول موضوع اكتبه
سؤال مهم جدا
كيف تتعاملين مع الشخصيات الي بس تشتكي وتتذمر سواء زوج او اخت او صديقه
مستحيل يوم تسالين كيف حالك ويقولون الحمدلله حتى لو قالوا الحمد لله يقولون( الحمدلله على كل حال )يعني توضح لك انها في هم وغم وهو اصلا مافي شي حتى لو فيه شي يكون شي عادي وطبيعي ويحصل في كل مكان
مايرضون ب اي حلول مهمة تعطين حلول تطلعلك اعذار
مستحيل تسألين كيف يومك وتقول تمام دايما كل شي عندهم سئ
وبس يشتكون من التعب سواء شغل او غيره وكل شوي طالعين بشكوى جديده تحسين هم اصلا مايبون يطلعون من وضعية الحزن
مستحيل يقولون لك انهمم نامو كويس اذا سالتيهم عسى نمتي زين لازم يقولون نومنا زي الزفت مقطع ومدري ايش
اي شغله تطلعلهم يشيلون هم الدنيا ويحسون انهم سووا شي فوق طاقتهم
دايم معبسين وحزينين
تطالعين حولهم تحسين كل شي تمام وطبيعي جدا بس ليش كل هذا الي معيشين نفسهم فيه
شخصيا تعاملت مع شخصيه كذا والأن هذي ثالث سنه وماتغير شي كل مره بشي جديد حسيت انه الموضوع طبيعه وبدات تنقلي طاقه سلبيه وصرت اضايق وحزينه وجاني نفور منها ابغى اتجنبها مو قادره اذا اهملتها تعاتبني كثير وهي مااذتني بس اذتني نفسيا ودي اجلس مع هالشخصيه ف يوم وتشاركني ابتسامه او مواضيع غير مشاكلها الشخصيه واحيانا طول الجلسه وجهها عابس كل هموم الدنيا على رأسها وهو مافيه شي اصلا يستاهل انا الي مشاكلي الله يعلم فيها والحمد لله مو مبين عليا
اكيد عرفتوا هذي الشخصيات مايحتاج شرح اكثر وياليت تكتبون تجاربكم معهم وكيف طريقة التخلص منهم او الابتعاد قليلا عنهم اذا كانوا مقربين جدا كيف اتعامل مع الشخصيه هذي هل اسمع لها اكون مستمعه فقط بدون طرح حلول لان مايبون حلول يبيون يعيشون دور الضحيه والطرف الثاني يحن عليهم بس ويضيع وقتي في الهم ولا اصارح واقول لاعاد تتشكين ترى جاني احباط ولا ايش بالضبط
احيانا وقليل مره يكون فيه فعلا مشكله بس مو مستاهله كل الطاقه السلبيه هذي والعبوس واذابغيتي تلطفين الجو يتهمونك انك مو حاسه فيهم وانك لازم تتطبطين عليهم
اكثر شي يقهرني في هالشخصيات انهم مستحيل يقولون الحمدلله في حال احد يسالهم عن حالهم اجابتهم تكون بتنهيده اولا ومن ثم ينهالون تشكي