كحة الأطفال وقت النوم..

ويسعد صباحك يا جميلة الجميلات بكل خير ، بنتي لمن يكون الجو حار ومكتوم عليها تكح احيان ما احس ان الجو حار بس لمن كبرت صارت تشتكي لي ، وبعد تأكدي من اذنها و انفها احياناً يسببون كحه وكتمه وفي احيان سيلان في الانف والتهاب في الحلق

يمكن عنده لحميه في الأنف جربي حطي له قطرات في الأنف
الكحه غالبا مشكله في التنفس

عطيها يانسون ممتاز للكحه وانتبهي من الزنجبيل والفلفل الحار هذا يزيد الكحه وزيت السمسم ممتاز للكحه

هذي شكوى الأمهات الأزليه.
الكحه لامسكت الطفل تجلس فتره.
دفي زيت سمسم ودهنيه.. وشربيه شوي انتبهي لايشرق. ودفيه لانام لاتعرضينه هوا المكيف.

سخني اللحين زيت زيتون ودهني صدره وظهره ورجلينه
وشوفي المكيف قصريه ، الجو متغير
وبكره ان شاء الله سوي له مرق دجاج لو قطعة فخذ بقدر صغير له
حطي معه بصل وثوم وفلفل بارد وملح وخليه يطبخ نص ساعه
وعطيه منه طول اليوم ولاتكثرين مويته يصير مخفف وماله طعم خليها
مركزه وحلوه
هذي زينه للصدر وللكحه وللزكام تراها زينه
وعطيه اشياء مسلوقه ولاتحطين له بهارات مايتحمل
الكحه اسبابها برد اما شي بارد عصير او زبادي او مكيف سواء من
سياره او بقاله او ثلاجات المحلات او من هواء مكيف مباشر
او يكون جاء على ملابسه وصدره مويه ولا غيرتي له بسرعه
او يكون عرقان معرق ودخلتيه فجأه على مكان بارد
الله يشفيه ويعافيه