كحل اسود سواد الليل بريالين

شريت من كشك الهنود مناكير ( الحبه بخمسه ) شريت حبتين يعنى الحساب بعشره قلت للهندي ابي هديه <<< طراره وتتشرط :hahaha:

قال هادا تنين هبه اشره ريال كيف انتا فيه كلام جيب هديه :blink:

عاد قلت انا زبون هنا لازم فيه هديه ( << اول مره اشتري من عنده :lechz:)

المسكين مادرى وش يسكتي فيه عطانى مناكير ورديه وقلم كحل وقال .. كلاص ماما هدا هديه مع السلامه:icon35: ( يعنى ورينى عرض اكتافك من غير مطرود ههههههههه:icon31:)

لما وصلت البيت جربت الكحل وانا اقول بخاطري هذا اللي قدر عليه يعطنى قلم كحل :dry: << طماعه

المهم وانا اخط الكحله بعينى الا اشووووووووف ذاك السواد اللى ماهو بسواد الليل

من جد سواده طغى على سواد قلم ديور وبنفس الوقت شكله كانه سايل من جوا العين مدري اشلون اوصفه لكم

ما صرت استخدم غيره ويبرز العين بشكل وااضح

شريت منه لخواتى بعد ما اعجبهم سواده ماصدقوا انه بريالين

القلم لونه ذهبي وغطاه ذهبي القلم الصغير بريالين والكبير بخمسه

حبيت افيدكم بتجربتى

ومع السلامه