شخباركم بنات؟
قبل كل شي ابي منكم طلب.. << من اولها خخخخخخخ
لا جد
اللي تقرا موضوعي ويعجبها او تستفيد منه.. لاتحرمني من دعوة بظهر الغيب ان ربي يرزقني الزوج الصالح والذريه الصالحه ويحفظلي اهلي من كل سوء ويعطيني الصحة وراحة البال << هالايام امر بظروف الله لايوريكم والله .. حمدلله على كل حال
لاتنسين ولكي بالمثل :26:
واذا ماعجبك او ماناسبك موضوعي واغراضي ربي يستر علي وعليك :26:لان موكل شي يناسب الكل عادي..
المهم نخش فالموضوع..
كثير بنات فالدوام وبجمعاتنا يسألوني عن كحلي .. انا اساسا عيني بسررررعه تسيح الكحل يعني دقيقتين الا هو نازل تحت عيني .. بس من استخدمت هالماركه وربي جناااان ماشاء الله تبارك الله اروح الدوام وارجع وهو ماتحرك.. احيان ازيد شوي من طرف العين - مدمع العين- وخلاص .. وسواده فحم فحممم وفوق كل هذا رخيص وسعره روعه..
هاه تبونه ؟ :42: << اخلصي
والله اي احد يسألني اعلمه من البنات عمري ما استنذلت على وحده بس بعضهم تقولك يااااي مو ماركه زي ديور ومدري وشو .. اقولها استريحي هذاني شاريه قيرلان وجيفنشي وناطلتهم فالدرج ماستعملهم .. يوصل الكحل لرقبتي من السيحان << ابوك يالتعبير
هذا ماشاء الله تبارك الله يثبت فالعين ولو لووو لووو حصل وساح يسيح شوووي بس مايتلف المكياج وتطلعين مهرج
فتحوا عيونكم عدل :42:
هاه جاهزين ؟
الكحل من ماركه قولدين ليدي ..
وسعره ب10 او 20 على حسب المحل اللي تشترينه منه ..
وهذي صورته ياحلوات
فيه منه اسود.. وازرق وكحلي وزيتي .. وكلهم رووووووووووعه وثبات والوان توضح من المره الوحده مايحتاج تعيدين وتزيدين .. جربوه انتوا بس وادعولي .. واذا تبونه لسهره او زياده ثبات حطي فوقه ايلينير والله جنااااااان يطلع مايتحرك من مكانه ابد ماشاء الله تبارك الله ..
نجي للشغله الثانيه
نفس الشي والله يابنات يقولون لي ارواجك شكلها ماك ولا ديور .. مااااشاء الله تبارك الله ثااااااااابته تاكلين تشربين تسولفين قاعده بحر ولا برد مااااتروح ابد.. وفوق كذا الوانها ع الموضه فوشي احمر وردي لحمي بيج .. والوان نفس الشي من المره الاولى تحطينها على شفايفك توضح .. مايحتاج مليون مرة تعيدين عليه ..
انصصصصصصصصصصصصصصصصصحكم من كل قلبي جربوه واحكموا ..
الروج اسمه سلفر ليدي
وسعره ب10 رياااال بسسس:icon28: ولقيته بكذا مكان يبيعونه ب25 ترى نصاااابين سعره 10 ودايم اشتريه بهالسعر
هذي صور لشكله من برا شوفوا كيف ذرب وحلو موزي الارواج الرخيصه الثانيه تجي علبتها موحلوة وشكلها يفشل
وتلاقونه هو والكحل بأغلب محلات المكياج العاديه وحتى بوريالين اذا جا كبير وفيه قسم للمكياج تلاقونهم فيه .. حطي منه على يدك وشوفي كيف ثباته ولونه القوي ..
الصور كلها من النت لاني ماعرف اصور ..على فكرة شكل اللي صورت هالصور - الله يجزاها خير- صورتهم من زمان لان عندي درجات والوان من هالماركه مش موجوده فالصور .. يعني كل شوي جايبين الوان جديده عرفتوا؟ .. والوانهم خقققققق خققققققق انتوا روحوا للمحل وشوفوهم .. ولاتنسون تدعولي دعوة حلوة زيكم :26:
اتمنى عجبكم موضوعي بنات.. والله مابي الا فايدتكم لاني شفت كثييييير بنات مايعرفون الكحل الحلو او تبي شي ثاابت مايوهقها.. واي سؤال ياحلوات انا بالخدمه
في امان الله