كحل وماسكرا بني

مرحبا يا بنات..


انا عندي عرس قريب .... ولون فستاني بيكون وردي والشغل بيكون شك وفصوص فضي + وردي .... وبشكل عام الفستان بسيط وما فيه بهرجة وايدة.

وبالنسبة لشعري .. مب ناوية اسوي تسريحة .. بس باخليه مفتوح وباخلي الحرمة تدرجه وتموجه على خفيف.


وانا اجمالا احب البساطة واحب ان شكلي يكون طبيعي اكثر .... وما احب المكياج يكون مبالغ فيه.

هذا غير اني حامل .. واحس ان وضعي كحامل ما يتحمل شغل زايد في اللبس والمكياج.




الحين بالنسبة للمكياج انا افكر اني استخدم كحل وماسكرا لون بني .... احس ان شكلي جذي بيكون طبيعي اكثر.


انا زمان كنت استخدم اللون الأسود طبعا .. بس عقب ما جربت البني حسيت انه احلى وطبيعي اكثر .. بس بالعادة استخدمه في الأيام العادية وما صار اني استخدمته في عرس او حفلة.

صح هم يقولون ان الاسود حلو حق الحفلات والاعراس بس احس شكلي فيه يطلع مبالغ وايد .. خصوصا مع رسم العين وتركيب الرموش ... فقلت البني بيكون احلى واهدا.


شو رايكم؟؟؟