السلام عليكم ورحمة الله وبركاته
طبعا الكل شاف دعاية جهاز كريزي فت Crazy Fit Massage اللي يحطونها على قناة فنون وبالجرايد ويقولون لكم انه يحرق 300 سعره ب 5 دقائق وسعره 180 دينار!!!
اتمنى ان محد يصدق هالكلام بتاتا لأنه جذب بجذب
انا راح اشرحلكم ليش هالجهاز وكل اجهزة الهز ماتنفع وهالكلام من متخصص مو اي احد
الجهاز هذا ماراح يحرق هالسعرات لسبب بسيط
السعرات عشان تحرقينها لازم الجسم يبذل مجهود مو مني والطريج
الجهاز هذا مو قاعد يخليج تبذلين اي مجهود مجرد انه يهزج وبس
مثلا عندج سيارة متروسة بانزين
تبين تحرقين البانزين لازم تشغلين السيارة وتمشين فيها
اما اذا طفيتي السيارة ووقفتي وراها تدزينها بجذي السيارة تتحرك لكن بدون ماتحرق اي نقطة بانزين
اتمنى يكون شرحي وافي ومفهوم بس عشان لاتنغشون بهالدعايات الكاذبة وتقطون فلوسكم على الفاضي
وصدقوني لو هالجهاز نتيجته حقيقية جان ماشفتوا احد متين بالعالم ودكاترة الريجيم والشفط سكروا عياداتهم وقعدوا ببيوتهم
ولا شرايكم؟؟
فالاحسن ان احنا نلجأ للطرق الصحية والمضمونة لإنقاص الوزن مثل الرياضة والريجيم المتوازن والمشي ومافي مانع من عمل مساجات تساعد على تفتيت الدهون وتوزيعها بالجسم اما اركب على جهاز يهززني واضعف ماعتقد شغله واقعية ولاتدش العقل ولا الموضوع بهالسهوله
مع تمنياتي لكم بأجسام رشيقة وصحية يارب
لان اختي في نادي ارامكو موجود عندهم هذا الجهاز واستخدمته كانت تروح من الجهاز على السونا وبالفعل جسمها تغير مره صارت ممسحه مافيها ولا شي بارز ماشاء الله عشان كذا اقول لك يمكن بس يناسب الاوزان القليله اما حنا...... خخخخخخخخخخ
مجرد وجهة نظر :)