كذبت على زوجي ..بس والله غصب عني.. الله يغفر لي

السلام عليكم..










بنات انا كذبت على زوجي في حاجه , السالفه ياطويلات العمر اني قبل رمضان اخذت شغالتين باليوميه , المهم

وحده اخذت حسابها والثانيه قالت عادي بعدين على اساس برمضان بنعطيها, المهم جاء رمضان وراح وجاء شهر 10 وراح

وشوي بنخلص شهر 11 وانا ما اعطيتها حقها , وزوجي الله يهديه من النوع المماطل ويحب التاجيلات , وكل ما أفتح

معاه سيرتها وان لها حق عندنا يتعذر بالظروف والديون والشهر هذا عندي التزامات ومدري وشوو.. وانا والله لو معي

كان عطيتها من وقتها حق من حقوقها , قلبي يوجعني عليها وما ابغى نطول عليها اكثر من كذا , وزوجي يقولي

لاتشيلين هم خليها بذمتي انا بعطيها بعدين , وانا على وجه ولاده واخاف ييسير لي شي او تتعسر ولادتي

لاننا ما اعطيناها حقها , المهم كذبت على زوجي اليوم وقلتله اني حلمت ان الشغاله تدعي علينا , زوجي

انجن جنونه وتغير وجهه وخاف يوم قلتله , وقام يقولي دبري المبلغ من عند اي وحده وانا والله لاردها لك مع الراتب

طبعا انا رفضت قلت اخاف تورطني اروح استلف وتماطل ماتردها بسرعه وتحرجني ..

لاكن انت رجال ودبر عمرك وسدد الشغاله حرام علينا والله واخاف انها من جد تدعي علينا..

الحين ياخواتي بعد ماعرفتوا السالفه بالله مايحق لي اكذب هالكذبه عشان زوجي يقتنع ويعطي الحرمه مسكينه

والله اني ما احب يكون عندنا دين لاحد ولاماكذبت على زوجي والله مايعطيها حقها الا بعد سنه وبعد طلعه الروح..

هاه وش ردكم .. هل اللي سويته صح ولا غلط؟؟


بنات للتنبيه فيه بعض الردود كتبتها بمعرف عضوه الله يجزاها خير * دلووعه زوجها * لاسباب خارجه عن الاراده