عواطف تركي . :

بالعكس ما اشوف ان اللي تلتزم الصمت وتاخذ نفس عميق تفكر فيه وتقولبها بدماغها ثم تخطط وش تسوي بصمت عبيطه اشوفها ذكيه والزوج هو اللي زوجته سايقه عليه العبط وجالسه تستغل الوضع لصالحها طبعاً حسب كل حاله وظروفها والشي اللي ممكن يفيدها ويخدمها بهذا الوضع لان سبحان الله بعض الرجال اذا مسوي مصيبه يبدأ يسوي اشياء عشان يغطي على فعلته مثلاً يجيب هدايا او ينفذ طلبات زوجته وحاجات كان يرفضها يصير يوافق عليها وترى كلامك ومقصدك مفهوم لكن انتي حازه بخاطرك انهم يبون يطلعون الزوجه بمنظر العبيطه المضحوك عليها ويبونها تتحمل وتسكت والرجال فالها ومستانس وترى بالنهايه هو مجرد كلام لا هو كتاب منزل ولا مقدس يعني كلام يروح ويجي ويتبخر بالهواء محد معطيه اهتمام اذا جاء وقت الجد محد يقدر يخمن وش تطلع منه ردة فعل لا كلام الرجال ولا النسوان بيكون له أي اعتبار لحظتها والرأي نفسه اللي نقلتيه مو كل الرجال يتبنونه واصلاً في رجال ضد فكرة انه يعدد يقول يالله قادر على بيت واحد ويالله قادر اساير زوجه وحده عشان اروح اكرر نفس التجربه يعني لا تحرقين اعصابك على كلام فاضي من قله فارغه مقصدهم ينتقصون من الطرف الاخر

بالعكس ما اشوف ان اللي تلتزم الصمت وتاخذ نفس عميق تفكر فيه وتقولبها بدماغها ثم تخطط وش تسوي بصمت...

Yasmeen 7 :

اعرف وحدة عرفت بزواج زوجها وهو اصلا الزواج معلن الكل يعرف لكن سكتت عن زوجها وفتحت جبهة على ضرتها واهل زوجها

اعرف وحدة عرفت بزواج زوجها وهو اصلا الزواج معلن الكل يعرف لكن سكتت عن زوجها وفتحت جبهة على ضرتها...

أم عزام :

معك بكل كلمة ياعواطف👌 وترى قصدك يالسعودية واضح ومفهوم.. بس والله إني اعرف ثنتين مو وحده وكلهم عايشات برنسيسات الله يبارك لهم والان أزواجهم باقين عليهم وصرفوا نظرهم عن الزواج الثاني بعد ماجربوه أكثر من مره والزوجة تدري وحاطه نفسها إني أنا الوحيدة في حياتك😆 يعني بالمختصر عارفين أزواجهم وتعاملوا معهم بذكاء بعيد عن التهور والعاطفة مع العلم كل الثنتين أزواجهم شخصياتهم قوووية ولهم مكانتهم الاجتماعية.

معك بكل كلمة ياعواطف👌 وترى قصدك يالسعودية واضح ومفهوم.. بس والله إني اعرف ثنتين مو وحده وكلهم...

🇸🇦السعوديه🇸🇦 :

مدري ليش أحس أول مره مو قادره أوصل الفكره الفكره هي إنهم يقولون مهما كان وضعك ووضع زوجك اسكتي لايدري انك دريتي عشان ماينقصك شي! ليش تكون العبيطه الي بينهم؟ ليش يعيشون براحه على حسابي؟ مابتحصل شي من الكلام صح بس ما أخليهم يستعبطوني.

مدري ليش أحس أول مره مو قادره أوصل الفكره الفكره هي إنهم يقولون مهما كان وضعك ووضع زوجك اسكتي...