السلام عليكم بنات
بصراحه تعبت من مجتمعنا كله كذب ولف ودوران ومشكلتي صادقه صدوقه وعلى نيتي ولا تعلمت ولا بيفيد فيني شئ والموت ان مجتمعي كله حريم ملكعات وكل وحده ماتدرين وش وراها يعني ممثلات درجه اولى وغير كذا صار فيهم طبع انه خلاص هم تعبو في حياتهم لازم يتعبون الي وراهم ليه مدري مشكلتي مجتمعي محصور جدا بين حريم اخوان زوجي وخواته وامه والله اني مريت بضيقه هلااسبوع غير طبيعيه اقول بنفسي وش اسوي لهم مابقى الا اقول لكل وحده داده داده عشان ترضى هذا غير رضى زوجي وعيالي الصغار يبيلهم اكون رايقه لهم وش ذنبهم اكون معصبه ع طول وحتى زوجي مايدري عن شئ بس فجاءه بدون سبب يلاقيني زعلانه يقولي وش فيك اقوله بطني والا ظهري لانه مهما تكلمت ماراح يفهمني والمشكله الاعظم اني معهم بنفس البيت انا دور وهم دور وعندهم شغاله وعندهم كل خير والبيت اذا تنظف مره خلاص محد بوسخه عكس البيت الي فيه اطفال والويك اند كل ويك اند مساير بنعزي فلانه بنسلم على فلانه ود اختك المكتبه جب اختك الثانيه من السوق وفيه غير زوجي لكن مدري ليه هو بالذات غير جمعت بناتهم الي كل اسبوع وبعيالهم وبزرانهم وشغالاتهم الي كل وحده ماسكتلها جدار عشان لا يطيح لا شغله ولا مشغله ولازم اجتمع معهم وانا وحده بس وزوجي وعيالي صغار وكنهم يمنونها علينا طيب انا ماجيت الا يوم تجمعت الجيوش عندكم يعني انا الي بزيد لقمتك والا بنقصها !!!!
والله اذا طلعت عندهم لوحدي اقعد ساعه بس وبعدها انزل بيتي ولا اتعشى ولا شئ وخالتي تقولي تعشى واعيي مع اني اناديهم عصريه وبالليل وعشا بس يكون بيني وبينهم فقط وشكل هالشئ مو عاجب خالتي تبيني انادي بناتها كلهم مع انهم ولا وحده قد فكرت تناديني وكنت غايبه عنهم فتره حول السنه واول مارجعت انا الي جمعتهم عندي على عشا كبير وانتظرهم ينادونا يقولون لنا تعالو لو فنجال قهوه ابد ولا همهم قلت عادي بالطقاق !!
والي قهرني اكثر اليوم عندي عشا عازمين ناس جاين من ديرتنا عجوز مع مرت رجلها و رجلها ومع بنتها الكبيره حرمه كبيره ومعهم بناتهم خوات زوجي ورجال ثاني مع زوجته وبناته 2 وتخيلو انا متعوده ان البيت الكبير بيتهم وهم الي العزيمه لهم لانها تصير اختها وانسابهم بنفس الوقت ولما جا زوجي قال عزمت الرجال وترى بيكونون عندنا تحت !!!
وهما موعدينا ان العزايم وحده بس الحريم فوق والرجال تحت والشغل بينا بالتساوي حبكت هالمره كأن الضيوف ضيوفي وصار البيت بيتي ويبوني انا الي اضيف وخلوني على عماي الى اخر الليل بس من المغرب مسوين قلق واتصالات واستهبال من ام زوجي اول مرررررررره اشوفها تسوي كذا بس هالمره ليه مدري ويوم قلت لها وش تبين اساعدكم فيه عشان اعلمها ان العزيمه عزيمتهم قالت ليه انهم بيكونون تحت وبعدين فلانه الي هي بنتها الكبيره تعبانه تعبت من عزيمة الاربعاء مع العلم اني كنت حاضره وقلت تبين مساعده 20 مره ورفضت ..
المهم الي فهمته من تشكيها انها تبي كلش عندي وانا لا مستعده لا باغراض ولا بالبيت وبزران قمت قلت لها خاله انت قصدكم العزيمه عندي وبوجهي انا ومني ومن رجلي قولوها عشان اعرف ادبر عمري زعلت وقالت لا لا اسمع هالكلام قلت طيب انتو معودينا من يوم جيت كل شئ مشترك وش الي غير الموضوع الحين زوجي الكبير بس برضه يتكلم عنكم مو معناته اذا تكلم انه خلاص عندي وبعدين الساعه 12 الحين ليه ماتكلمتو من بدري اشتري اغراض لانها قالت لي اني انا اسوي االإدام وغير كذا كنت قاعده اجهز غرفة عيالي وللحين مافرشتها وكل شئ عندي حوسه وفوق ذا ماهمهم بس لو سكتت داسو علي كلهم ويوم تكلمت زعلت ام زوجي تقول انتي حاره وتحرقين اعصابك والموضوع سهل قلت لها لا مو سهل انا ظروفي غير سهر وبزران وترتيب بيت بشكل اشبه بالمكينه والدينمو ما اوقف وياليت شئ يترتب والناس بيجون من العصر وزوجي ماراح يجي الا 4 ونص ومتى نتغدى ومتى استقبلهم ..
الي قهرني انه كان ودي بالاجر لاني سمعت انه من ترك المراء وهو قادر له اجر عظيم وهو الجدال ولما صار الي صار تمنيت اني ماجادلت لا زوجي ولا امه لانهم مشكلتهم يفهمون كل شئ غلط وخلاص انا بعدها اصير بنت مش متربيه واذا سكتت عادي عندهم استغلوني والله لو اني لوحدي والا عندي شغاله لا اشيل كل شئ ولا همني وبسوي كل شئ ببيتي والي يبونه بسويه بس ظروفي صعبه مضغوطه لابعد حد نفسيا وجسديا حتى النوم مانمت زين من التعب من كثر التفكير .. مالقيت نفسي الا صاحيه واكتب لكم هنا ليه مدري ..
بس اتمنى منكم دعوه صادقه ان ربي يسخرلي زوجي وعيالي ولا يحرمني منهم يارب ويكفانا شر كل من فيه ويبعد عننا كل نكد ومشكله لانه ماتتصورون كيف ماثر بعلاقتي مع زوجي ونفسيتي وقد مقدر احاول اطنش واغير من اسلوبي الصدقي وكل شئ لازم يكون صح وسيده ولا قدرت :(
Aum DoOoDe @aum_dooode
عضوة جديدة
يلزم عليك تسجيل الدخول أولًا لكتابة تعليق.
الله يكون في عونك
بس توكلي على الله وما لك الا الدعاء
اسال الله العلي القدير انه يفرج همك ويسخر لك زوجك واهله
بس توكلي على الله وما لك الا الدعاء
اسال الله العلي القدير انه يفرج همك ويسخر لك زوجك واهله
الله يجزاكم كل خير امل واعد انا اسئل لاني عارفه بخلوني لاخر لحظه ولازم استعد والناس بس تتكلم لاني على قولتهم ماني منهم
اي بي سي مشكوره والله يتقبل دعائك يارب ويفرج همنا وهم كل مهمومه
اي بي سي مشكوره والله يتقبل دعائك يارب ويفرج همنا وهم كل مهمومه
سماالكون
•
الله يجزاكم كل خير امل واعد انا اسئل لاني عارفه بخلوني لاخر لحظه ولازم استعد والناس بس تتكلم لاني على قولتهم ماني منهم اي بي سي مشكوره والله يتقبل دعائك يارب ويفرج همنا وهم كل مهمومهالله يجزاكم كل خير امل واعد انا اسئل لاني عارفه بخلوني لاخر لحظه ولازم استعد والناس بس تتكلم لاني...
الله يكون في عونك
وان شاء الله تكون عزيمة محترمة ولك الاجرا ن شاء
وان شاء الله تكون عزيمة محترمة ولك الاجرا ن شاء
سماالكون
•
الله يجزاكم كل خير امل واعد انا اسئل لاني عارفه بخلوني لاخر لحظه ولازم استعد والناس بس تتكلم لاني على قولتهم ماني منهم اي بي سي مشكوره والله يتقبل دعائك يارب ويفرج همنا وهم كل مهمومهالله يجزاكم كل خير امل واعد انا اسئل لاني عارفه بخلوني لاخر لحظه ولازم استعد والناس بس تتكلم لاني...
الله يكون في عونك
وان شاء الله تكون عزيمة محترمة ولك الاجرا ن شاء
وان شاء الله تكون عزيمة محترمة ولك الاجرا ن شاء
الصفحة الأخيرة
لكن احس كل سبب المشاكل صراحه زوجك ليش مايبلغك من بدري وهو عارف ان عندك شغل
وبالنسبه لام زوجك طنش تعش والله كنت زيك وبعدين احس تعبت من كثر مااراضيهم ويوم صرت اهتم باولادي وزوجي
واحاول اني اسوي الشي من خاطري لهم مش اكون ملزومه
وبعدين ماله داعي تسالين وش تبون اسوي خلاص سوي اي شي جاهز عندك
كذا ولاكذا مش عاجبهم الحال لاتضغطين عمرك والله لو طحتي محد راح ينفعك
انتي ملزومه بزوجك واولادك وغير كذا مانتي
مجبووووووووووووووره