كراتين شعيريه

ممكن تصلحين رز بالشعيرية
شوربة بالشعيرية
او شعيرية رمضان الحلوة الي بالزعفرانية والهيل

شعيريه رمضان الحلوه ماحد ياكلها .. شكرا لردك

ممكن تسوينها زي المكرونا. تجنننن بالدجاج والخضااار

مثل وضحو اللي ردو قبلي الشعيريه استخدميها مع الرز حمصيها بزيت او زبده واضيفيها للرز اثناء السلق

او اضيفيها للشوربه تعطيها قوام واضافه جميله

او اعمليها مع الخضار او اللحم مثل وصفة اسمها اعشاش الشعيريه

طريقتها

اسلقي الشعيريه بدون تكسير بمويه وملح وزيت في قدر يكون واسع والمويه يادوب تغطي الشعيريه واذا انسلقت شيليها بالملعقه وحطيها بصينية للفرن

اعملي أي حشوه تعجبك سواء دجاج مقطع مشوح مع بصل وثوم وفلفل بارد او خضار مبشوره او مقطعه صغير مشوحه مع بصل وبقدونس او اجبان او صلصة البيتزا مع زيتون وفلفل بارد

تاخذين الحشوه وتحطينها بوسط كل دائره من الشعيريه وحاولي ان الحشوه ماتكون ناشفه عشان الشعيريه ما تنشف

وعلى وجه الشعيريه حطي اي تغطيه تناسب ذوقك اما قشطه وجبن سائل او بشاميل او جبن شيدر مبشور

دخليها الفرن 5 أو 10 دقايق وقدميها ساخنه

هذي صورة من النت عشان توصل الفكره



وفي وصفه ثانيه تكون الشعيريه مثل حشوه

الطريقه

تسلق الشعيريه بملح وزيت ومويه

تقطعين باذنجان شرايح طوليه وتقلينها بالزيت

تشوحين بصل وثوم وجزر وكوسا مبشور او مقطع اعواد وبقدونس وفلفل اخضر بارد وبهارات وملح وتضيفين له الشعيريه المسلوقه وتخلطينه مع بعض

تاخذين شرايح الباذنجان وتحطين ملعقه او ملعقتين من الحشوه وتلفينها رولات وتحطينها بصينية للفرن واذا خلصتي الكميه حطي على الوجه صلصه حمراء مثل الصلصه اللي تنعمل للبيتزا ودخليها الفرن 10 دقايق وقدميها ساخنه

طبعاً الحشوه تقدرين تضيفين لها حسب ذوقك دجاج او لحم مفروم

يسلمو حبيباتي على الردود فديت السنعات والله 😍