هذا ياطويلة العمر والسلامه مزينته في الصيف بس توي انزله اليوم
مره خربان الجهاز واذا زان انشغلت ولا مدري وش يجيني المه
كتبه اليوم لكم للمعلوميه ترا كتبه ثاني مره لانه طار الموضوع في مهب اريح يعني الي ماترد علي بغولها غول
وهي عباره عن كورات الاندومي بالبشمل وصينية البذنجان بالبشمل وهذي صورتهن جميع مصورات لذكرى
المهم مالكم بطويله الطبق الاول كورات الاندومي بالبشمل
وهي عباره عن
اندومي محضر كما هو موضح بالكيس يعني تقريبا اربع اكياس او مكرونه سبقتي مسلوقه بوميه وملح وماجي وشوية زيت وبهارات
صلصة بشمل حوالي كاسين او تزيد حسب كميه الاندومي او المكرونه لاني صراحتن ماقستها بس تقربا كاسين
لحم مفروم او تونه مثل حشوة السنبوسه
وبيض وبقسماط لتغطية الكورات
ممكن اضافة بصل اخضر او جزر مبشور او بقدونس حسب الرغبه انا اضفة بقدونس
نخلط المكرونه او الاندوم مع التونه او الحم حسب رغبتكم وتخلط بالبشمل وتكور وتغمس بالبيض ثم البقسماط وتقلى في زيت غزير وحار
ممكن انها تفرزن بدون قلي وتقلى عند الحاجه على دفعات عشان ماتتفكك اثنا القلي
وهذي صورتها من الداخل
وهذي صوره من الداخل
.,.....................................................................................
طريقة بذنجان بالجبنه
بذنجان مقلي حسب الكميه الي تبين
لحم مفروم مكشن مع بصل وثوم وبهارات ووماجي وبقدونس وصلصة طماط وطماط مطحون شدر تعطي طعم حلو
جبن منزوريلا ممكن خلطه مع جبنة تشدر تعطي طعم حلو
بس نصف طبقه بذنجان بعدين لحم وبعدين جبن
وتكرر حتا تنتهي الكميه فكرتها مثل فكرة الازانيا او المصقعه بس بدون بشمل
وصورتها فوق بجنب الكور
ان شاء الله اكون وفقت في طرح الطبخه وشرحها واي سوأل انا حاضره