كرات البسكوت واااااااااااايد لذيذه استحاله تحصلونها في كتب الطبخ والمنتديات لاني

السلام عليكم ورحمة الله وبركاته

شحالكم يا بنات ؟

هاي اول مشاركة لي واليوم حابه اعطيكم وصفة البسكوت اللي ما جفت منه لا في النت ولا في كتب الطبخ :(

بخبركم سالفة ها البسكوت
وحده مطرشتلنا كرات البسكوت واتخبلت عليهم وخاصة اني من هواة الطبخ :cook: سالت عن الطريقه وقالولي ان الحرمه مستحيل تعطي حد الطريقه انقهرت وسكت وقلت لازم اجرب بنفسي

جربت اول مره يبت الوصفه من النت ما ضبطة
والمره الثانيه جربت عينات صغيره من احساسي بالمقادير وضبط بس كان ناقصنها شي واحد قالتلي وحده من الاهل ان ناقصنها ها الشي وجربته وضبط الحمدالله

سمحولي طولة عليكم بس لازم افضفض

المهم المقادير:
بسكويت دايجستف الاصلي اللي لونه احمرمطحون
كورن فلكس مطحون
فستق مطحون
كريمة كاكاوالجلاكسي
جوز الهند للزينه

المقادير الثلاثة الاولي احطهن ع كيفي والكريمه احط لين ما تستوي لينه بعدين اكورهن كور متوسطات وامررهن على جوز الهند واحطهن في الثلاجه لمده ساعتين او اقل وبعدين عادي تخلينه برع الثلاجه ما يخترب
وحلو حق المسافرين تحطينه في علب
وحق ايام العيد

اتمنى انه يعيبكم مثل ما عيبني لانه الناس اذواق انا وااااااااااايد استغربت يوم اختي قالت انه ما عيبها .

على فكره انا فيه صفه ما شاء الله عليه اني ما ايياس اسوي الشي لو عشرين مره لين ما يستوي .:27:

وبعطيكم وصفات للحلويات واااااااااايدحلوه ما جفت حد كاتب عنها اذا جفت حد متفاعل ويايه .