كل من ذاقه حبه.. حتى اللا مايحبوا الحلى أو مايحبوا جوز الهند
شكله مرتب ينفع للتقديم.. أني أسويه في المناسبات ونقدمه للضيوف.
ياللا نشوفه، جهزوا أوراقكم وأقلامكم عشان تنقلوا الطريقة..أو جهزوا الطابعة :D
كرات الثلج الباردة
المقادير
كيس دريم ويب.
علبة قشطة.
4 ملاعق حليب بودر.
4 ملاعق سكر
بسكوت شاي (علبة وربع تقريبا) مقطع لقطع صغيرة
جوز هند مبشور ناعم
الطريقة
نخلط المقادير مع بعض (ماعدا البسكوت وجوز الهند) في الخلاط بسرعة لمدة 5 دقايق، عشان يصير الخليط مثل الكريمة.
نضيف البسكوت ونخلطه بملعقة..ونحطه في الفريز حتى يتماسك.
نطلعه ونحطه في قصدير ونلفه على شكل اسطوانات، ونرجعه الفريز لحد مايجمد.
نجهز صحن فيه جوز هند مبشور ونجهز الصينية اللا بنصفه فيها والسكين ولوح التقطيع.
نطلع الحلى اسطوانة اسطوانة، نقطعها لأقراص.
ناخذ الأقراص ونشيل عنها القصدير ونكورها ونغلفها بجوز الهند، ونحطها في ورق التقديم، ونقدر مانكورها، نخليها قرص مثل ماهي، ونصفها في الصينية حتى بدون الورق.. شوفوا الصورة الأولى، شوي مكور ومحطوط في ورق، وشوي ماهو مكور وبدون ورق (طبعا الورق أنسب للتقديم).
نحاول نشتغل بأسرع مايمكن لأنه يذوب بسرعة خاصة من حرارة اليد.. إذا ذاب نرجعه الفريز.. وإذا جمد نكمل.
إذا خلصنا..نحطه في الفريز حتى يجمد، ونقدمه بارد من الفريز مباشرة، كلما برد أكثر صار ألذ.
وبالعافية عليكم.
باين عليها لذيذه
وان شاء الله اجربها