كرات الكاكاو من صنع ايدين بنتك الصغيرة

اشرايكم لو تخلون بناتكم يحطون ايدهم معاكم في المطبخ
ترى البنات يحبون الطبخ بالفطرة
خليها تسوي حلو بسيط ما يحتاج الى فرن أو ادوات حادة
و خل ابوها و اخوانها يشجعونها
لا يضيقون خلقها:29: و يتطنزون
مو أحسن من شغل الخدم و المطاعم
حلو بسيط و سهل ... تبدا فيه حياتها المطبخية:cook:
المقادير
200 جرام بسكوت ماري
كوب كاكاو نستلة
علبة قشطة
2 حليب نستلة المركز (صغير)
2 ملعقة كبيرة جوز الهند
جوز هند اضافي للتغطية
الطريقة
يفتت البسكوت بوضعه بكيس و ربطه و ضربه بالنشابة أو بكوب بلاستيك(عشان ما ينكسر بايديها الصغيرونه)
تخلط المقادير عدا البسكوت و جوز الهند الإضافي بالمضرب السلكي حتى يتجانس
يضاف البسكوت المفتت و يقلب بالملعقة حتى يختلط بالكاكاو
اذا تحبين خليها تلبس كفوف بلاستيك مع ان الطفل يستمتع يشتغل بايده (كيفك)
تأخد كمية من الخليط قدر حبة الجوز و تقلب بجوز الهند الإضافي
تصف في طبق جميل و توضع بالثلاجة لحين التقديم
من الممكن استخدام جوز الهند المحمص لمزيد من النكهة
و تسلم ايد البنوته الصغيرونه الحلوة:27: