السلام عليكم حبيباتي
أتمنى تكونوا بخير
تشجعت اليوم وقلت أبتكر طبخه .. وخطر ببالي الداوود باشا ..
بس غيرت الطريقه بمزاجي ..<<< مخترعه يا زعم
وطلعت معي أكله لذيذه .. المهم .. ماكان عندي كاميرا اصور .. لا تزعلون مني
المقادير ..
مقادير الكرات ...
لحمه مفروفه
بصلتين كبيرات مفرومات مع فصين ثوم ومكعب ماجي واحد مش اللي الاثنين اللي بالكرتونه
بيضه وحده
بهارات مشكله ( اللي تحبين )
1 ملعقه صغيره زنجبيل مطحون
كمون رشه صغيره
ملح وفلفل أسود .. رشه صغيره
1 ملعقه كبيره صلصة صويا حلوة
1 ملعقه كبيره طحين << عاد لاتملون الملعقه بضمير هههههه:22:
1 بطاطس كبيره مبشوره برش ناعم ( أنا بشرتها بمبشارة الجبن الناعمه اللي فتحاتها صغيره )
الطريقه ..
نخلطهم باليد جميعا ً لين يتجانسون ..
بصير الخليط لين .. لاتخافون عادي ..
اللحين ناخذ جزء صغير ونكبكبه باليد ونزلها بالزيت
ولازم يكون الزيت حامي علشان ما تنفل معك .. وبكذا لين تنتهون
واتركوه على منديل علشان الزيت يخف ..
ونروح نعمل الصالونه:32:
اللحين مقادير الصالونه هع
المقادير :
2 بصله شرائح
2 بطاطس مكعبات وسط
2 كوسا مكعبات وسط
1 باذنجان مكعبات وسط
1 فليفلة خضراء مكعبات وسط
2طماطم مطحونه مع فصين ثوم طحن ناعم
ملح فلفل اسود رشة صغيره
مكعب ماجي كامل
رشة بهار مشكل لا تكثرون
1 م كبيره طحين
1 قشطه
1 صلصة الطماطم
1 ملعقه صلصة صويا حلوة كبيره
2 ملعقه زيت للحمسه
وزيت للقلي
الطريقه ..
نقلي جميع الخضار .. ( البطاطس + الباذنجان + الكوسا )
نجيب القدر ونضع فيه البصل والفليفله ونشوحهم مع الفلفل والملح
بعد ما يصير لونه ذهبي شوي نضع الخضار بعد قليها والبهارات ونقلبهم شوي
وبعدها نضيف الطمام المطحون مع الثوم ونقلبه
ونضيف اللحين كرات اللحم .. ونقلبهم شوي شوي ..
نخلط في طاسه ( القشطه + صلصة الطماطم + صلصة صويا شوي ) << بصراحه اول مره اخلطهم مع بعض
ونضع الخلطه على اللحم ونقلب شوي
ونخفف النار كثير علشان يتسبك الاكل تقريبا 10 دقائق
وبعدها بالهناء والعافيه
اتمنى تعجبكم
![رجـــاوي](https://cdn.hawaaworld.com/images/user_avatar.png)
رجـــاوي @rgaoy_8
محررة
يلزم عليك تسجيل الدخول أولًا لكتابة تعليق.
![الوردة اليتيمة](https://cdn.hawaaworld.com/images/user_avatar.png)
الوردة اليتيمة
•
تسلم يدك
![عيون السود](https://cdn.hawaaworld.com/images/user_avatar.png)
![رجـــاوي](https://cdn.hawaaworld.com/images/user_avatar.png)
![ام علاء](https://cdn.hawaaworld.com/images/user_avatar.png)
الصفحة الأخيرة