مع اني مااحب جوز الهند ومااحب رافيلو الا ان هالحلى اعجبني
المقادير :
3 مغلفات بسكويت اوريو
3 بسكويت اولكر شوكو الاحمر
هذي صورته اخذتها من قوقل
ملعقتين قشطة
10 ملاعق حليب محموس
نستله حسب الحاجة
جالكسي سادة
كاكاو خام
جوز هند محموس
تكسر البساكيت باليد ويضاف لها الحليب المحموس والقشطة وتعجن بالنستلة لين يصير الخليط متماسك ولو طلع لين زيدي بسكوت مطحون
تشكلينه كور صغيرة وبعدين تذوبين حبتين جالكسي مع حبة كاكاو خام انا استخدم هذا النوع اللي على يمين الصورة
الصورة بعد من قوقل
اذوب الشوكولاته بحمام مائي واغطس الكور فيه واللي اطلعها احطها بزبديه فيها جوز الهند المحموس واحطها بصينيه واذا خلصت ادخل الصينية بالفريزر 10 دقايق وبعدين اطلعها واحط الكور بصينية التقديم
وهذي حلاي المتواضع لكن لذيذ جربوه متأكده انه راح يعجبكم ويعجب ضيوفكم
انقر على هذا الشريط لعرض الصورة كاملة.
انقر على هذا الشريط لعرض الصورة كاملة.
هذي االصور عاد من تصويري
غلفوه مباشرة حتى ماينشف ويصير قاسي
وبالعافية يارب
شكلها خطيرة
وانيقة في التقديم كمان