كراميل

ياليت وضحتي لنا طريقتك عشان نعرف الغلط وين

لان الكراميل له اكثر من طريقه

ومن تجربه عشان يضبط معك لازم القشطه او الكريمه او الحليب يكون بحرارة الغرفه او دافي لان البارد يخرب الكراميل ويكتله يصير متحجر .

الطريقه اللي اسويها اكرمل السكر على النار لغاية مايذوب ويصير لونه بني فاتح ثم ابعده عن النار واحط نص علبة قشطه اكون حركتها شوي قبل اضيفها ثم اخفق كويس واذا احتاج قشطه اضيف باقي العلبه ثم احركها ثواني على النار وخلاص اشيلها لانها ممكن تثقل وتصير كأنها توفي .
وانتبهي لا تحركين السكر بملعقه لانها ممكن تصدم السكر ببرودتها ويتحجر اكتفي بهز القدر وتحريكه يمين ويسار عشان يتوزع السكر واذا حطيتي القشطه اخفقيه بمضرب بلاستيك او ملعقه خشب .
وفي طرق كثير للكراميل ماجربتها في ناس يحطون السكر في قدر ومعه ربع اصبع زبده ويحركونه على النار الى ان يذوب ويتكرمل يقولون كذا مايتحجر السكر ولا يكلكع واذا تكرمل يصبون فوقه نص كوب كريمة طبخ دافيه او حليب دافي بالتدريج او يمزجون بين الاثنين .

وفي طريقه شفتها باليوتيوب جربتها اللي هي احط السكر على النار مع ربع كوب ماء وعصرة ليمون واتركه الى ان يتكرمل ثم احط فوقه قشطه جربتها واحس طريقتي الاولى احلى منها هذي احس كأنها طعم شيره مافيها طعم السكر المتكرمل حتى قوامها ماحبيته .