تسلم يدينك يالغلا والله يعطيك ألف عافيه تحياتي

وجيبة لكم الحين استخدامات اخرى لنفس العجينة :
شوفو الله يسلمكم
فردت العجينة بالنشابة ( فرادة العجين ) بس خليت سمكها شوي ثقيل مو مثل الكرواسون
وقطعت العجين المفرود دوائر بواسطة كاس الجبن السائل الصغير اللي استخدمته في المقادير
ودخلت العجين الفرن بدون شي مادهنته لابيض ولا شي
خليته لين يستوي من تحت بس ديري بالك لاتخليه يحمر كثير لانه كل ماغمق صار قاسي
وبعد ما استوى من تحت بس طلعته من الفرن وكنت قبلها مصلحة خلطة البيتزا
واللي هي ( كشنت البصل ويا الفلفل البارد الرومي والطماطم المطحون والطماطم المعجون وشوي فلفل اسود وكمون ) حطيته فوق العجينة اللي طلعته من الفرن وحطيت عليه الزيتون الشرايح والجبن المبشور هذي الخلطة الاولى عملت فيها نص المقدار
اما النصف الاخر دهنته بلبنه تركي وفوق اللبنة حطيت زعتر
وبعدها دخلت المعجنات الفرن لكن هالمرة كانت من فوق بس حق اقل من خمس دقايق بس يحمر من فوق وطلعته
ماتتخيلون وش كثر انهبلو عليها كلهم حتى اللي مايحبون الفلفل البارد اكلوها
وهذي المعجنات سهلة في تسويتها وبعد تبيض وجهك اذا عندك ضيوف وسلامتكم
ملاحظة : اذا كنتي مستعجلة ادهني اللبنه بالملعقة واذا تبينها ارتب وعندك وقت حطي اللبنه في القمع حق تزيين الكيك وزيني فيها المعجنات راح تطلع لك شي راااااااااائع
وسلامتكم اتمنى ان اكون افدتكم ,,,

تسلممممممممين يااختي

الله يسلمك وحنا تحت خدمتكم :)

*مشكوررررره*