كرتونه موز لعرض الهدايا

اخذت كرتونة الموز وغلفتها بورق كورشيه اخضر مذهب وفي قاع الكرتونه حطيت ورق جرائد وفوق الورق حطيت الورق المقصص صغير باللون اخضر ورشيت عليه اسبري ذهبي على خفيف.
وعلى وجه الكرتون حطيت ورده كبيره ذهبيه واوراق خضرا مذهبه ثبتهن بالصمغ وفي الطرف حطيت شريط مذهب وربطه على شكل فيونكه واخذت ورقه عتقتها وكتبت عليها بخط اليد عبارة نشكر لكم حضوركم ودامت دياركم عامره بالافراح والمسرات وذيلتها باسم عائلتي وحرقت اطراف.
هدية والدتي حطيتها على وساده خضرافاتح والعلبه لونها احمر ولفيتها بشريط اخضر بدرجه اغمق من الوساده .
هديتين حطيتهم في اكياس الي فيها خيط ممكن ينزم
وبلونين مختلفات.
هديتي حطيتها في علبه روز على شكل شنطه.
هديه ابني حطيتها في علبه خشبيه عليها تهنئه محفوره باليد.
وهكذا كل هديه غلفتها بطريقه مختلفه وبلون مختلف عن الثانيه.
وبعد ما سكرت الكرتونه ربطها خفيف بشريط ذهبي .

المهر حطيته على كرتون مقوى بعد ما غلفته بالذهبي والاطراف فضيه وحواليه حطيت ريش نعام.
وثبت الكرتون وعملت لها مسند مثل برواز الصورعلى صينيه فضيه وربطت مقابض الصينيه بقماش التور الذهبي وشرايط .

وبكذا كان عندي صندوق خفيف الوزن وبعيد عن الاشياء التقليديه .:55: