تحيه طيبه معطره بالصلاة على النبي صلى الله عليه وسلم
حبيباتي بدنا نعمل بكيت محارم ورقيه لون ساده علشان نحنا نزينه متل ما بدنا
بنجيب بكيت قديم وبنفتحه بطريقه انه ما يتمزع معنا
هلأ بنجيب الكرتونه ونطبع الشكل بحذافيره والمناطق المظلله هاي للقص او التفريغ
بنبدأ عملية التفريغ بوسطة المشرط سواء القلم او العادي
طبعا شايفه خطوط متقطعه هاد خط ثني الكرتون وعلشان يسهل علينا الثني بنجيب دراجة علام شيت الخياطه
وبنشد عليها شوي وبنمشيها فوق خط الثني
بعد ما تنينا الخطوط المطلوبه بنلزق الجواني بس بنخلي جهه بدون تلزيق وكمان شوي بتعرفي ليش
استعملي لاصق سائل احسن من السليكون لانه بيعطي سماكه
نتابع
هلأ الطرف اللي خليناه مفتوح علشان ندخل المحارم منه بنلزق قطعتين ماجيك ( تشك تشك) علشان نعبيه اكتر من مره
البكيت جاهز وبدو تزين
بنجيب كرتون ملون طول 30 سم ومن كل طرف بالمسطره بنعمل علامه زغيره كل نص سم ( 5 ملم) وبوسطة المشرط بنقص شرائط من الكرتون رفيعه طبعا اكتر من لون للورد وللورق اخضر
والحاجه ام الاختراع انا ما عندي القطعه اللي بنلف فيها الورق فجبت عود الشوي وعملت اله فتحه بواسطة المشرط علشان ادخل الورقه الرفيعه والفها
[/url