مافي زي الفلاش بدون اي إضافات أحطه على الكرسي الأفرنجي الله يكرمك وانظف باقي الحمام وارجع له وافركه خفيف ويرجع كأنه جديد

هـــــــاربــــــك البسي كفوف وهاتي بالسفنجه و حطي عليها هاربك وافركي جيدا وبعدين اشطفيه بالماء و مع المسح بالاسفنجه ويروووح ورح تشوفين ان شاءالله ... النتيجه

انا كانت عندي نفس المشكله وكل يوم تهزىء للشغاله بعدين جبت منج هاربيك ازرق رشيه على كل السطح واتركيه نص ساعه واغسليه بعصا التنظيف الي راسها مدور ويروح كل شي ماعدا البياض الناصع

عزيزتي
اي حمام فيه بوديه كرسي الحمام العادي
سهل جدا تنظيفه بالعكس ما يبيله شي

اهم خطوات:

1) التنظيف اول باول للحمام يعني لما احد يدخل الحمام لازم كل شخص بالبيت يعود نفسه انه ينظف وراه بعد ضغط السيفون ينظف اي شيء عالق هالشيء لازم كل انسان بالبيت يتعود عليه بنفسه يسويه خاصه لكبير وفيه فرشاه خاصه للحمام

2) تنظيف الحمام بمنظفات خاصه كل يومين او ثلاثة بالكثير لانه تركها لمدة طويله هو اللي يسبب الاصفرار

3) احسن شيء يخلي الكوع للبوديه او من داخل البوديه والاطراف تلق لق كانها جديده هو (الكلوركس)

مثلا الصباح بعد ما الكل يروح دواماته او مدارسهم

حطي شوية كلوركس بكل كرسي واتركيه لو ربع ساعه بس او نص ساعه

وبعدين جيبي فيري او اي سائل غسيل صحون وحطي شوي وبالفرشاة الخاصه بالحمام الدائرية حكيه بكل سهوووووووله ما راح يبقى ولا شيء ويقلب نظييييف تماما

لكلوركس احسن شيء وما تحتاجين كميه كبيرة حطي شوي بس

ولازم تكون عندك الفرشاة الخاصه بالحمام المدوره واهتمي ايضا بالفرشاة بعد ما تفركي فيها الكرسي بنفس المكان رشي عليها ماء من الرشاش او النبريج (اللي) عشان ما يبقى عليها شيء وحطيها بعلبتها او بين فترة وفترة ايضا انقعيها بشوية كلوركس مخفف بالماء او ديتول مخفف بالماء عشان تبقى نظيفه

بس انتبهي لا تخلطي اي مواد كيميائية مع بعضها
يعني لا تخلطي كروليكس وفلاش لانه خطر

وميه النار انتبهي منها تراها خطر وما يحتاج الحمام لكل هذا بس شوية كلوركس مثل ما قلت لك او بعض المنظفات الاخرى اللي ذكروها البنات

بس انا معتمده لكلوركس من زمان وامي كذا

انا استخدم الكلوركس يوميا بالحمامات مع شوية تايد
ومرة كل شهر استخدم الفلاش
وللحرص من مضاره اخففه بشوية موية
اوفر وآمن وأسهل في توزيعة على كل الارضية

وبهالطريقة الحمدلله الحمامات تلمع