كرسي الاعتراف مين عندها استعداد ؟؟

السلام عليكم جميعا
واسعد الله اوقاتكم بكل خير (مفكرة حالي بالتلفزيون )
من زمان ...مو من زمان كتير يعني
تم تطبيق فكرة كرسي الاعتراف وكان كتير حلو
فمن خلالو بنتعرف على البنات يلي بيقبلو انهن يجلسو على كرسي الاعتراف وبتبدا الاسئلة من البنات ترف عليهن والتحقيقات من المحققين (لا تصدقو لا في محققين ولا شي )

والاخت وردة الربيع مشكورة ذكرتنا بالموضوع بعد ما اكل عليه الدهر وشرب (صايرة مثقفة شوي )

وبعد دراسة للموضوع من جميع المشرفات
قررنا انو نرجع ونطبق هالفكرة
فمين ياترى من البنات بتتشجع وتجلس على كرسي الاعتراف ؟؟؟
خليكن شجاعات وما تخافو (اكتر من تكسير اسنان او كسر ايد او بوكس على العين او فلقة مارح يكون فيه )
هي عم طمنكن

يلا خلونا نشوف المتحمسات والشجاعات ومين اول الضحايا
عفوا اول المشاركات
تحياتي الكن الجميع مني ومن جميع مشرفات قسم الترحيب بمنتدى حواء