قبل كم يوم جاني غرض من الرياض عن طريق فيدكس وأعجبني الكرتون حقه تحسفت إني أرميه هو كبير بس نحيف مره لكن ما أستطيع أستفيد منه بالتخزين ففكرت إني أسوي منه كرسي لجوالي والحمدلله كانت النتيجه حلوه وأتمنى تعجبكم
أول حاجه قصيت الزاويه وهي اللي إعتبرتها المقعد
ثم عملت تحت قاعده ثانيه والسبب لأني أبغى الكرسي يميل للخلف تفادياً للسقوط
وبإمكانكم تشوفون الصوره كيف من الأمام مرتفع
طبعا في هالصوره بعد ما صلحت الكرسي سويت طبقه ثانيه علشان تزيد متانة الكرتون
وبعد ما صمغت الطبقه الخارجيه أستخدمت لاصق ولصقت زوايا الكرسي من جميع الجهات لزيادة التماسك والمتانه
هنا دهنت بالجيسو
إستخدمت مناديل لون أبيض ووضعته على الكرتون ووضعت عليه صمغ الخشب المخفف بالماء لكن للأسف ما صورت هالمرحله
وبعدها وضعت المناديل المزخرفه أتمنى تعجبكم النتيجه
